PANGNGEBARANG 26:24 - KITTA' MATANGKASA'

²⁴ Tau mangngabirissia te'nei kana-kananna mingka atinna rassi balle-balle.

PANGNGEBARANG 26:24 Referans Kwoze

PANGNGEBARANG 12:20

Tau nangaia a'rancana kaja'dallang nangai tenaya naadele'; tau angngusahaya kabajikang lamate'nei.

PANGNGEBARANG 10:18

Tau accokkoa kabirisang iami patipu. Tau appa'la'banga pitina iami tau dongo'.

PAMMUJI 41:6

Nacarita tau ja'dalaka' musungku, nakellaia' mate ke'nanga na kunikaluppai.

PANGNGEBARANG 14:8

Tau cara'deka naassengi angkana antekamma batena lappanggaukang, tau dongoka nitipui ri kadongokanna.

PANGNGEBARANG 12:17

Lanri napauna katojenganga, napaentemmi taua kaadelanga; lanri a'balle-ballena, appabattumi taua apa tenaya naadele'.

PANGNGEBARANG 12:5

Tau lambusuka nanawa-nawai apa-apa bajika; tau ja'dalaka annipua narancana.

PANGNGEBARANG 11:1

Nakabirisi Batara tau ammakea timbangang jekkong, mingka sannangi nyawaNa mae ri tau ammakea timbangang annaba.

PANGNGEBARANG 23:7

Saba', lanakana, “Maeko angnganre; annombongko pole,” mingka sikontutojenna tena nakamma anjo lalang ri atinna. Te'nei ri bawana, mingka atinna maraengi.

YEREMIA 9:4

Musti tutui taua, manna pole ri aganga tonji siagang manna sari'battang polong parruka takkulle ngaseng nipatappa'. Nasaba', sangkamma Yakub kamma tomminjo ke'nanga, massing natipui sari'battanna. Tunggala' taua a'jappai mange-mange untu' appasiara' pitina siagang balle-balle.

PA'JARIANG 34:13

Lanri le'ba'namo nagau' sala Dina, andi'na ke'nanga, a'balle-ballemi sikamma ana'na Yakub mae ri Sikhem siagang Hemor, manggena.

1 SAMUEL 18:17

Nausahakammi Saul sollanna akkulle nibuno ri tu Filistin lalang ri pa'bundukanga, sollanna teai kalenna ambunoi. Jari ri se'reang allo nakanamo Saul ri Daud, “Merab ana' tulolongku kaminang toaya lakupasiallei siagang ikau, assala' nupappicinikang kabaraniannu lalang ri pa'bundukanga untu' Batara.”

2 SAMUEL 13:26

Nampa nakanamo Absalom, “Punna padeng kamma, kilappassammi sari'battangku Amnon angngagangi ikambe.” Nakanamo karaenga, “Teami amminawangngi battu.”

2 SAMUEL 13:27

Mingka lanri tuli napala' duduna Absalom, kale'bakkanna nakellaimi Daud anjo Amnon siagang sikontu ana' bura'nena maraenga amminawang assua'-suara' siagang Absalom. [Nampa appatalamo Absalom kanre-kanreang ka'jala' siagang nyamang.]

2 SAMUEL 20:9

Angkanai Yoab mae ri Amasa, “Antekamma kabaraka gang?” Nampa nata'gala' janggo'na Amasa siagang lima kananna, sangkamma angkanaya eroki ambaui.

NEHEMIA 6:2

Jari akkirimmi undangang Sanbalat siagang Gesyem ri nakke sollangku battu angngagangi ke'nanga sibuntulu' ri se'reang desa ri Ka'bung Ono. Mingka kuassengi angkana napa'boyanga' akkala' ero' nabalai ke'nanga.

PAMMUJI 12:3

Para siballe-ballei ngasemmi ke'nanga, massing sitipumi siagang kana-kana te'ne.

PAMMUJI 28:3

Teaki' tumpassia' assama siagang tu dorakaya, siagang tu a'gau' ja'dalaka. Sanna' sombere'na kana-kananna ke'nanga, mingka atinna lalang teai sipato' botto'na.