PANGNGEBARANG 26:23 - KITTA' MATANGKASA'

²³ Sanrapang uring butta nisapu siagang pera', kammaminjo tau te'nea ri bawana, mingka ja'dalaki atinna.

PANGNGEBARANG 26:23 Referans Kwoze

LUKAS 11:39

Lanri kammana, Nakanamo Isa ri anjo tu Farisia, “Memang ikau tu Farisia, biasana nutangkasi bageang pantaranganna mangkoka siagang piringa; mingka bageang lalanganna sanna' ra'masa'na lanri tena nutangkasi. Kamma tomminjo sanrapanna bageang lalanganna kalennu, teai sipato' ra'masa'na napakamma sekke' siagang kaja'dallang.

PANGNGEBARANG 10:18

Tau accokkoa kabirisang iami patipu. Tau appa'la'banga pitina iami tau dongo'.

MATIUS 23:27

Cilaka ngaseng mako ikau guru-guru agamaya siagang tu Farisia, lanri nungaina assara-saraia! Sanrapangko jera' nice' keboka; sanna' ga'gana nicini' pantaranganna; mingka lalanganna rassi buku-buku sannaka ngaseng botto'na.

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

PANGNGEBARANG 25:4

Tangkasi rolong peraka battu ri ra'masa'na, nampami ga'gaya nipare' ri panrea.

PANGNGEBARANG 26:25

Manna nasombere', teako patappakki; lanri kabirisanga angkoasai atinna.

PANGNGEBARANG 23:7

Saba', lanakana, “Maeko angnganre; annombongko pole,” mingka sikontutojenna tena nakamma anjo lalang ri atinna. Te'nei ri bawana, mingka atinna maraengi.

PANGNGEBARANG 27:6

Aganga natunrungki' siagang pangngamaseang, mingka musua narakakki' siagang racung.