PANGNGEBARANG 25:28 - KITTA' MATANGKASA'

²⁸ Tau tenaya nakkulle nalewai kalenna sanrapangi kota runrunga tembo' pattahanganna.

PANGNGEBARANG 25:28 Referans Kwoze

PANGNGEBARANG 16:32

Bajikangngangi tenaya nilinta' larro, kala anna'gala' koasa; bajikangngangi nilewaia kalea, kala ammeta se're kota.

PANGNGEBARANG 22:24

Teako sileporangi siagang tau nangaia larro siagang tau lintaka bambang cera'na.

NEHEMIA 1:3

Nacaritami ke'nanga angkana sikamma anjo tau le'baka nipela' ammotere'mi mange ri anjo pa'rasanganga. Mingka kamma-kamma anne teai sipato' sessana katallassanna, siagang sangnging nihinai ri sikamma bansa maraeng niaka a'reppese'. Nampa pole sikamma tembo' kalli'na Yerusalem ancuru' iji tassimbung-simbung, kammayatompa sikamma pakke'bu' lompona tenapa nale'ba' nipakabaji' baku' le'ba'na nitunu ri wattu allaloa.

2 PATTOTTORANG 32:5

Nampa nakassakki karaenga pattahanganna kotaya; napakabajiki tembo'na, appaentengi menara-menara irateanna siagang ambangungi tembo' maraeng pantarang. Pantaranganna anjo napakabaji' tongi pattahangngang nibangunga irate ri butta pannambunganga ri bageang rayana kota sallona Yerusalem. Assuro pare' tongi sanna' jaina poke siagang pannangkisi'.

1 SAMUEL 25:17

Lanri kammana anjo, pikkiri' baji'-bajiki anne passalaka, siagang kitappukimi apa akkullea kigaukang ibu'. Nasaba' mattantu labattuna pa'balasaka mae ri pinggawata siagang sikontu kaluargana. Terasa' dudui ulunna pinggawata sa'genna takkulleai niagang a'bicara!”

1 SAMUEL 20:30

Nalangngere'na anjo a'jari larro sikalimi Saul mae ri Yonatan siagang nakana, “Ana' harang lompo! Kamma-kamma anne kuassemmi angkanaya nualleangangi Daud na nupakasiri' kalennu siagang amma'nu!

PANGNGEBARANG 19:18

Atoro' bajiki ana'nu lalang nia'na ija panrannuang; punna tena, sanrapang erokko ri kapanrakang.

PANGNGEBARANG 19:19

Boli'mi kamma tau lintaka larro nakasia' kale'bakkanna. Punna nutulungi, poro nutambaiji kalarroanna.