PANGNGEBARANG 25:22 - KITTA' MATANGKASA'

²² Lanri kammana nupa'jarimi tu'guru' siri'-siri' na laNabarakkakiko Batara.

PANGNGEBARANG 25:22 Referans Kwoze

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

MATIUS 10:13

Na punna natarimajako anjo taua antama' ri balla'na, boli'mi kamma nammantang anjo barakkaka ri ke'nanga sibatu balla'. Mingka punna tanatarimayako ke'nanga, alle poleammi ammotere' anjo barakkaka.

1 KORINTUS 15:18

Battuanna pole, sikamma anjo tau Karisteng mateamo, tena tommo panrannuanna.

MATIUS 6:4

Boli'mi kamma na Allata'ala Manggenu ri suruga bawang anciniki siagang angngassengi anjo passidakkanu. Iami sallang assareko pahala lanri assarenu passidakka.”

MATIUS 6:6

Jari, ikau punna erokko assambayang, antamakko ri bili'nu nampa nutongko' pakke'bu'nu, nunampa assambayang ri Allata'ala Manggenu, tenaya naniciniki. Na Manggenumi anciniki anjo sambayannu nugaukanga ri pammantangang taccokkoa. Iami sallang lassareko pahala lanri anjo sambayannu.

2 PATTOTTORANG 28:15

Nampa ammenteng nai' anjo appaka pamimping untu' angngurusuki anjo sikamma tunitahanga. Napa'bage-bageammi ke'nanga pakeang nirampasaka mae ri anjo tunitahanga ia parallua. A'bage tongi ke'nanga sapatu, kanre-kanreang siagang inung-inungang. Sikamma tunitahang lokoka niballei minynya' zaitun. Ia tena dudua nakullei a'jappa nipanaiki ri keledaia, nampa nierang kabusu' anjo tunitahanga mange ri Yerikho, kota jaia poko'-poko' koro'ma, sollanna akkulle ammotere' ke'nanga mange ri pa'rasanganna ri Yehuda. Le'baki anjo ammotere'mi tu Israel mange ri Samaria.

1 SAMUEL 24:18

Kaja'dallangku ri kau nubalasaki siagang kabajikang. Anne alloa nupappicinikammi angkanaya bajikko mae ri nakke, nasaba' tena nanubunoa', manna na Napassareamma' Batara mae ri kau.