PANGNGEBARANG 25:20 - KITTA' MATANGKASA'

²⁰ Akkelong-kelong untu' tau natujua susa sanrapangi assolari tau ri wattu dinging, sanrapang appatiri' cukka ri loko'na.

PANGNGEBARANG 25:20 Referans Kwoze

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

KATO'BA 3:4

Allata'ala ampattantui wattu untu' angngarru' siagang wattu untu' ammakkala', wattu untu' appiraung siagang wattu untu' a'joge',

YESAYA 58:7

Bagei kanrenu siagang tau cipuruka, tarimai sikamma tau tenaya balla'na ri balla'nu. Sarei care-care tau assolaraka, siagang teako tollaki sari'battannu punna parallu nitulung.

YAKOBUS 5:15

Inai-nai appala' doang siagang tappa' tojeng-tojeng mae ri Batara, lanipamollei battu ri garrinna. Lanipamollei garrinna ri Batara, siagang lanipammopporangi dosa-dosana le'baka nagaukang.

DANIEL 6:18

Le'baki anjo nisareimi se're batu lompo bawana anjo leanga; nasitempele'mi karaenga anjo batua siagang sitempele' karaeng kammayatompa sitempele'na sikamma tumalompoa, sa'genna tena manna sitau akkulle allappassangi Daniel battu ri anjo singa-singaya.

PANGNGEBARANG 10:26

Teako assuroi tau malasa', appakabirisi'ji bawang, sanrapang cukka appatilu gigi yareka umbu appakapacce mata.

PANGNGEBARANG 25:19

Tappa' ri tau a'bali' ballang ri wattu kasusaang sanrapangi akka'lero ammake gigi a'gio' yareka a'jappa siagang bangkeng akkeppang.

PANGNGEBARANG 25:21

Punna cipuru' musunnu, sarei kanre; punna turerei, sarei angnginung.