PANGNGEBARANG 25:19 - KITTA' MATANGKASA'

¹⁹ Tappa' ri tau a'bali' ballang ri wattu kasusaang sanrapangi akka'lero ammake gigi a'gio' yareka a'jappa siagang bangkeng akkeppang.

PANGNGEBARANG 25:19 Referans Kwoze

YESAYA 36:6

Memang nurannuangi bantuanna Mesir, mingka anjo kammaya rapanji ammake poko' rea a'jari takkang; – sinampe' tepoki anjo takkanga nampa nato'do' limannu. Kammaminjo kagassinganna Mesir mae ri sikontu tau manrannuanga ri ia.’ ”

2 TIMOTIUS 4:16

Ri wattunna uru-uru kubela kalengku ri pangadelanga, tena sikali manna sitau anrurunganga'; a'lampa ngasemmi taua ambokoia'. Poro tena lalo nanipasalai ri Allata'ala ke'nanga ri anne passalaka!

PANGNGEBARANG 25:20

Akkelong-kelong untu' tau natujua susa sanrapangi assolari tau ri wattu dinging, sanrapang appatiri' cukka ri loko'na.

YESAYA 30:7

Sia-siaji bantuanna Mesir. Lanri kammana anjo nigallara'mi Mesir, ‘Naga tenaya bahayana’.”