PANGNGEBARANG 25:14 - KITTA' MATANGKASA'

¹⁴ Janji-janji tanirupaia, sanrapangi rammang siagang anging tamappaturunga bosi.

PANGNGEBARANG 25:14 Referans Kwoze

PANGNGEBARANG 20:6

Jai tau nakana kalenna agang, mingka tau tenaya tojeng pamminrana, sukkaraki nigappa.

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

2 KORINTUS 11:31

Nasaba' tena nakua'balle-balle; Allata'ala, ManggeNa Batarata Isa a'jari sa'bi mae ri nakke! Nipujimi arenNa satunggu-tungguna.

1 KARAENG-KARAENG 22:11

Kalase'renna battu ri anjo na'bi-na'bia, ia niarenga Zedekia ana'na Kenaana, appareki tanru'-tanru' bassi nampa nakana ri Ahab, “Iaminne Nakananga Batara, ‘Tanru'-tanru' sangkammaya minne lakitunrungangi Siria sa'genna ancuru' ke'nanga.’ ”

YEREMIA 5:13

Pare' mami anging anjo na'bi-na'bia, nasaba' tenai ri ke'nanga pasanNa Batara.”

MIKHA 2:11

Erokko ri na'bi nangaia a'balle-balle siagang annipu kammayatompa ambotoai angkanaya langgappako anggoro' siagang inungang terasa' sa'genna alla'bi-la'bi.”