PANGNGEBARANG 24:7 - KITTA' MATANGKASA'

⁷ Tau toloa takkulleai naselangngi kacara'dekanga. Tena apa-apa akkulle napau punna a'bicara taua ri passala' apa-apa parallua.

PANGNGEBARANG 24:7 Referans Kwoze

PANGNGEBARANG 14:6

Tau tampoa tena nala'jari cara'de', mingka tau cara'deka gampangi appilajara'.

PAMMUJI 10:5

Anjari ngaseng sikontu usahana tu ja'dalaka; tanaassengai yareka tanapahangai hukkunNa Batara na nacini' tuna sikontu balinna.

1 KORINTUS 2:14

Inai-nai tena nikoasai ri RohNa Allata'ala, takkulleai natarima anjo apa Napakasingaraka RohNa Allata'ala. Nasaba' a'jari sangkammaji kadongokang anjo passalaka mae ri anjo tau kammaya. Anjo tau kammaya takkulleai napahang anjo passalaka, nasaba' anjo passalaka takkulleai nipahang situru' apa-apa kacinikanga.

AMOS 5:15

Kabirisi kaja'dallanga, siagang mangngaiko ri kabajikanga, paentengi kaadelanga. Gassingka laNakamaseangi Batara sikamma tau tassesaya battu ri bansa Israel.

AMOS 5:12

Kuassengi antekamma lompona kaja'dallannu siagang antekamma jaina dosanu. Nujallakkangi tau bajika; annarimako doe' nipacoco' siagang nubalang parekangi tu kasi-asia nigau' taadele' ri pangadelanga.

AMOS 5:10

Nukabirisi tau angngewayai tenaya naadele' siagang a'bicara kontutojenga ri pangadelanga.

YESAYA 29:21

tau nangaia ampitinai paranna tau, tau ampappisangkangai nihukkung tau ja'dalaka, siagang tau appa'la'banga carita-carita balle-balle sollanna tanggappaya kaadelang tau lambusuka.

PANGNGEBARANG 22:22

Teako pakarugi tu kasi-asia, kalanri lammana bawang; na punna ri pangadelang teako alle passai ha'na tu tenaya pakkullena.

PANGNGEBARANG 17:24

Natujua tau niaka pammahanna iamintu untu' anggappa kacara'dekang, mingka tau toloa tena nattantu pattujunna.

PANGNGEBARANG 15:24

Tau cara'deka amminawangi ri oloang angngambika mange ri katallassanga; teai oloang naunga mae ri kamateanga.

AYUB 31:21

Ebara' angkana le'baka' anjallakkangi ana' kukanga, lanri tappakku angkana lammeta' ri parkaraku,

AYUB 5:4

Jari tale'bakami ana'-ana'na anggappa pangngatutui; taniakka ero' angngallei ke'nanga ri pangadelang.

PAMMUJI 127:5

Mate'nei tau niaka parsadiaanna pana-pana kammaya anjo! Tena nalanibeta, wattunna nadallekang musua ri pangadelanga.

PANGNGEBARANG 17:7

Tau nipakalompoa, tasiratangai akkana balle-balle; tau dongoka tasiratangai akkana nia' matu-matunna.

PANGNGEBARANG 17:16

Tena matu-matunna tau dongoka ampaccappuki doe'na a'boya kacara'dekang, saba' tena natangkasa' pikkiranna

YESAYA 32:6

Tau toloa kana-kana tolo napasulu' siagang kaja'dallang narancana. Apa-apa mamo nagaukang yareka napau, tuli nahinai Allata'ala. Tale'bakai nasare kanre tau cipuruka yareka nasare je'ne' inung tau turerea.

PANGNGEBARANG 28:5

Kaadelanga tanapahangngai tau dorakaya, mingka tau anynyombaya ri Batara, napahang tojeng-tojengi.

PANGNGEBARANG 31:23

Masahoroki arenna bura'nenna kalase'renna pamimping kotaya.