PANGNGEBARANG 24:5 - KITTA' MATANGKASA'

⁵ Tau cara'deka la'bi nikangalikangi na tau kassaka; pangngassenganga la'bi paralluangngangi na kagassinganga.

PANGNGEBARANG 24:5 Referans Kwoze

KATO'BA 7:19

Kacara'dekanga napa'jari taua poreangngang na sampuloa tukoasa ri se'rea kota.

KOLOSE 1:11

Poro nipakajarrekko lanri kakoasang malompoNa Allata'ala, sa'gennu akkulle attahang angkasiaki sikamma kapa'risanga siagang sa'bara', yareka sannang pa'mai',

PANGNGEBARANG 21:22

Tau cara'deka akkullei naalle kota nijagaia ri tantara barani; naruntungi pattahangngang napattoanga ke'nanga.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

PANGNGEBARANG 10:29

Batara anjagai tau lambusuka, mingka Napanraki tau a'gau' ja'dalaka.

PANGNGEBARANG 8:14

Inakkemi assare pikkirang. Na inakke todong ampa'rupai. Inakke cara'de' na kugassing todong pole.

PAMMUJI 84:7

Lalang a'jappana ke'nanga numalo ri Ka'bung Baka, napinrai anjo tampaka a'jari timbuseng je'ne', uru bosia angngerang barakka' alla'bi-la'bi.

PANGNGEBARANG 24:6

Nasaba' ri tenanapa ni'bundu parallui nia' rancana baji' rolong, siagang pila' jai tumappakainga', pila' lompoi panrannuanga lammeta.

YESAYA 36:5

Nukanaka bicaraji bawang akkulle ansambeangi akkala' pa'bundukanga siagang kakassakanna tantaraya? Inaika nupattoang sa'gennu barani kamma angngewai Asyur?