PANGNGEBARANG 24:31 - KITTA' MATANGKASA'

³¹ Ia kucinika anjoreng poro timbo-timboang akkatinting siagang rea bawang. Runtummi kalli' tembo'na.

PANGNGEBARANG 24:31 Referans Kwoze

KATO'BA 10:18

Lakabosiangi pattongko'na ballaka punna tena nipakabajiki, na kale'bakkanna jappo'mi anjo ballaka lanri kamalassang.

YEREMIA 4:3

Nakana Batara mae ri pandudu'na Yehuda siagang Yerusalem, “Jamai buttanu tenayapa nujamai; teako appakioroki bine ri tampa' napattimboia poko'-poko' akkatinting.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

IBRANI 6:8

Mingka punna rea siagang ruku'-ruku' akkatinting wassele'na anjo buttaya, tenamo matu-matunna anjo buttaya siagang lanitunrai sallang ri Allata'ala nampa ri kala'busanna lanitunui sa'genna la'busu'.

MATIUS 13:22

Naia bine takkioroka ri alla'na ruku'-ruku' akkatintinga, iaminjo pangngebarang mae ri tau allangngerekami anjo kabaraka, mingka ranggasela iji atinna ke'nanga, siagang ero' dudui kalumanynyang lalang ri katallassanna. Lanri kammana, rapang kasepekammi lalang ri atinna ke'nanga anjo Kabara' battua ri Allata'ala, sa'genna takkullea a'rappo.

MATIUS 13:7

Kammayatompa, nia' todong bine takkioro' ri alla'na ruku'-ruku' akkatintinga; naipi'mi anjo bine beru accu'laka sa'genna mate.

PANGNGEBARANG 23:21

saba' anjo ke'nanga la'jari kasi-asi. Punna attinrojako bawang, tasalloami nummakeang kekke'-kekke'.

PANGNGEBARANG 22:13

Lapung tau malasaka nangai ammantang ri balla'; nakana, “Nia' singa pantara', nakanrea' sallang ri tangngana aganga.”

PANGNGEBARANG 20:4

Pamarri malasaka tanajamayai kokonna punna narapi' wattunna; kale'bakkanna tena apa-apa wassele' tanana punna pakkattoang.

PANGNGEBARANG 19:23

Pakalompoi Batara, na nuttallasa' mate'ne; lasukkuki pakkasia'nu siagang lata'lappasakko battu ri balaya.

AYUB 31:40

lappassammi teai ase siagang gandung attimbo ri koko, passangalinna rompo' katinting siagang rea.” Sikammaminjo kana-kananna Ayub.

AYUB 30:7

Appiraung tojeng ke'nanga rapang olo'-olo' ri romang, a'gompo-gompo rawanganna rompo' katinting ri romang.

PANGNGEBARANG 24:32

Le'ba'na kuparhatikang siagang kunawa-nawa anjo passalaka, kugappami anne pappilajaranga:

PANGNGEBARANG 13:4

Tau malasaka jai nakaeroki mingka manna se're tanarapi' tau anjama terasaka lanagappai sikontu apa nakaerokia.

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”