PANGNGEBARANG 24:28 - KITTA' MATANGKASA'

²⁸ Teako a'jari sa'bi mae ri tau maraenga punna tena siratang alasannu; teako a'balle-ballei ri passala'na anjo taua.

PANGNGEBARANG 24:28 Referans Kwoze

EFESUS 4:25

Lanri kammana, parallu ngasengko massing a'gau' lambusu'. Tea' mako a'balle-ballei pole, nasaba' ikatte a'jari ngaseng maki' anggota TubuNa Almasi.

PANGNGEBARANG 25:18

Tuduhang nipare'-pareka akkullei angngerang kamateang, sanrapang pa'dang, palu-palu, yareka ana' pana cidu'.

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

KOLOSE 3:9

Teako assiballe-ballei, nasaba' le'ba'mi nubokoi sipa'-sipa' katallassang sallonu.

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

MATIUS 27:23

Akkuta'nammi Pilatus nakana, “Mingka apa kaja'dallanNa?” Pila' akkio' lompomi pole ke'nanga angkana, “Allei Salli'!”

PANGNGEBARANG 21:28

Kasa'bianna paballe-ballea tena nalanipatappa'; mingka kananna tau angngassengai lampa-lampana parkaraya, lanitarimai.

PANGNGEBARANG 19:9

Tau a'balle-ballea ri pangadelang mattantu lanihukkungi siagang nipanraki.

PANGNGEBARANG 19:5

Tau a'balle-ballea ri pangadelanga, takkulleai naliliang hukkunganga.

PANGNGEBARANG 14:5

Sa'bi lambusuka tuli napaui apa kontutojenga; sa'bi tanipatappaka tuli a'balle-ballei.

PAMMUJI 52:1

Untu' pamimping pakelong. Kelong pangngajara'na Daud,

PAMMUJI 35:11

Sa'bi-sa'bi ja'dalaka ambangungi ambalianga', siagang natudua' anggaukangi apa-apa tenaya kuassengi.

PAMMUJI 35:7

Sia-siaji ke'nanga attannang sikko' untu' inakke yareka angngeke kali'bong untu' anjakkalaka'.

AYUB 2:3

Akkuta'nammi Batara angkana, “Apaka le'ba'mi nuparhatikang atangKu Ayub? Ri sikontu linoa, tena tau sangkamma baji' pa'mai'na siagang majarre'na tappa'na. Anynyombai mae ri Nakke, siagang tena sikali na'gau' kodi. Tuli majarre'na tappa'na mae ri Nakke, manna pole le'ba'Ma' nunyonyo' ampitujui bala, manna natena passabakkanna.”

KALAPPASSANG 23:1

“Teako appasiaraki kabara' a'balle-balle, siagang teako tulungi tau ja'dalaka assare kasa'biang takontutojeng.

KALAPPASSANG 20:16

Teako assarei kasa'biang takontutojeng mae ri parannu tau.

KAIMANGNGANG 6:2

Se'rea tau musti assarei koro'bang punna dorakai mae ri Batara, lanri tenana naero' ampoterangi apa-apa nabolika paranna tau mae ri ia, yareka natipui paranna tau, yareka nalukkaki barang-baranna, yareka nabuntulu'mi anjo baranga mingka assassalaki nassumpa.

KAIMANGNGANG 19:11

Teako a'lukakki, annipui yareka a'balle-ballei.