PANGNGEBARANG 24:24 - KITTA' MATANGKASA'

²⁴ Punna tau salaya nakana tena nasala, anjo hakinga lanitunrai siagang lanipakkanai ri sikontu tau jaia.

PANGNGEBARANG 24:24 Referans Kwoze

PANGNGEBARANG 17:15

Nakabirisi Batara tau ampattojengai tau dorakaya, siagang nabilang sala tau tenaya nasala.

YESAYA 5:23

Mingka lanri ero'nuji anggappa doe' pammuccu', nanulappassang tau salaya, siagang nurompai tau tenaya nasala anggappa kaadelang.

PANGNGEBARANG 11:26

Inai appatambung apa-apa lanitunrai ri taua, mingka inai ambalukangi langgappai pammuji.

PANGNGEBARANG 28:27

Inai assare ri tu kasi-asia tena nalakakurangang. Inai tanjampangiai kaparalluanna tu kasi-asia lanatabai pattunra.

YEHEZKIEL 13:22

Tau bajika tenaya naero' Kuapa-apai, nupakaca'di nyawana lanri balle-ballenu. Tau ja'dalaka nupakalompoi nyawana sollanna tuli doraka siagang tena nipasalamaki ke'nanga.

YESAYA 66:24

Wattunna a'lampa ke'nanga, lanaciniki ke'nanga maya'na sikamma tau le'baka angngewa ri Nakke. Anjo olo' angkanreai ke'nanga talamateai, siagang pepe' angkanreai ke'nanga talamateai rinrana; apa appakamalla' dudua mae ri sikontu tau ancinikai.”

YESAYA 5:20

Cilakako kau amputara' balekai bajika siagang kodia, singaraka siagang sassanga, te'nea siagang paika!

PANGNGEBARANG 30:10

Teako pitinai se'rea ata mae ri karaenna, gassingka nasumpako siagang nabilang salako.