PANGNGEBARANG 24:16 - KITTA' MATANGKASA'

¹⁶ Saba', manna pole a'mole-mole tu'guru' tau lambusuka, tuli lambangung poleangi nai'. Mingka kabalekanna, tau ja'dalaka laancuruki nituju ri bala lompo.

PANGNGEBARANG 24:16 Referans Kwoze

PAMMUJI 34:19

Ma'reppeseki Batara mae ri tu ca'dia pa'mai'na; Napasalamaki tu tappu' minasaya.

PAMMUJI 37:24

Punna tu'guru' tena nalasanna' bokka'na nasaba' nita'galaki limanna ri Batara.

AYUB 5:19

Punna a'reppese' bahayaya, tuli Napasalamakko.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

PANGNGEBARANG 13:17

Tunisuro tenaya matu-matunna langngerangi bala; tunisuro akkullea nipatappa' langngerangi wassele' mattantu.

AMOS 5:2

Tu'guru'mi Israel anjo tuloloa ija, talambangungami ammotere'! Irate ri butta kalenna nibalang parekang, tena ambantui ammenteng nai'.

PAMMUJI 52:5

Ikau la'bi nungaiangngangi kaja'dallanga na kabajikanga, nungaiangngangi a'balle-ballea nakkana tojenga.

1 SAMUEL 26:10

Lanri Batara mattallasaka, kuassengi angkanaya sallang KalenNa Batara lambunoi Saul, punna narapi'mo a'jala'na, yareka punna matei lalang bundu'.

PAMMUJI 7:16

Angngekei kali'bong untu' tau maraeng, mingka kalenna tu'guru' antama'.

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

AMOS 8:14

Sikamma tau assumpaya lanri barhala Samaria angkana, ‘Lanri rewatana bansa Dan’ yareka ‘Lanri rewatana Bersyeba’ – latu'guru' kabusuki siagang tambangungami pole.”

1 SAMUEL 31:4

Nakanamo Saul mae ri turungka paerang sanjatana, “Bi'bu'mi antu pa'dannu nampa nutoboka', sollanna tena napare' karek-karenanga' siagang nibunoa' ri anjo tau tenaya naassengi Batara.” Mingka taerokai anjo turungkaya antoboki, lanri sannaki napakala'biri'na Saul. Lanri kammana anjo naallemi kalenna Saul anjo pa'danga nampa napara'ba kalenna naung ri matanna anjo pa'danga.

PAMMUJI 34:21

Tuli nijagai batangkalenna ri Batara, manna sipappa' bukunna talanitepokai.

PAMMUJI 79:12

O, Batara, Kibalasaki anjo bansa-bansa a'lappi tuju lanri sikontu panghinaanna mae ri Katte.

PANGNGEBARANG 6:15

Yangasenna anjo la'jari passabakkang nanituju kalenna ri bala ti'ring battua, nampa ancuru' taba sikali.

PANGNGEBARANG 24:22

Tau kammaya anjo akkullei ancuru' lalang sipakkida mata, lanri anjo bala Napa'niaka Allata'ala yareka karaenga teai parkara ca'di-ca'di.

YEREMIA 8:4

Nasuroa' Batara ampaui anne kammaya mae ri umma'Na, “Punna tu'guru' taua, tantu lambangungi nai' ammotere', siagang punna sala oloangi taua, tantu lammotereki mae ri oloang annabaya.

YEREMIA 18:17

Rapang limbu'bu' nairika anging, kammaminjo batena ummakKu laKupasiara' ri dallekanna musua. Punna battu cilakaya, laKubokoi ke'nanga siagang taeroKa' antulungi ke'nanga!”

PA'JARIANG 19:35

Kammaminjo na ri wattunna anjo bangngia nausahakammi ke'nanga nanasa'ring Lot, nampa mange anjo ana' tulolonna makaruaya angngagangi assikatinroang. Na teaimi sipato' nasa'rinna pole Lot, sa'genna tanaassengamo apa kajarianga.

PAMMILANGNGANG 32:23

Mingka u'rangi, punna tena nurupai janjinnu, dorakako mae ri Batara siagang lanihukkungko lanri anjo dosanu.

PANGNGEBARANG 13:21

Tau dorakaya tuli niondangi ri kacilakang, tau bajika tuli annarimai kate'neang.

YEHEZKIEL 7:5

Iaminne Napaua Batara Kaminang Tinggia mae ri bansa Israel, “A'le'basaki balaya tuli labattu antujuko.