PANGNGEBARANG 23:31 - KITTA' MATANGKASA'

³¹ Teako passareangngi kalennu nigoda ri anggoro', manna pole naga'ga dudu tanja'na siagang accilla'-cilla' tanja'na lalang ri kacaya, kammayatompa nyamang sikali nisa'ring assolong antama' ri kallonga.

PANGNGEBARANG 23:31 Referans Kwoze

1 YOHANES 2:16

Sikontu apa-apa niaka ilalang ri anne linoa, iamintu sikontu apa-apa nakaerokia sipa'-sipa' ma'rupatauna tau dorakaya, sikontu apa-apa nicinika siagang eroka nikammai, siagang sikamma apa-apa akkullea nikalompoang pa'mai' ri anne linoa, yangasenna anjo teai Allata'ala Manggea assala'na: passangalinna battu ri linoa assala'na.

PAMMUJI 119:37

Kijagaia' sollanna tena kuondangi apa tenaya matu-matunna, Kisarea' tallasa' situruka erotTa.

2 SAMUEL 11:2

Ri se'reang karueng, ambangung tinrona Daud, a'jappa-jappai irate ri pattongko' lappara'na balla' kakaraenganga. Battu anjoreng nia'mo sitau baine sitabang a'je'ne', na teai sipato' ga'gana anjo bainea.

MARKUS 9:47

Punna passala' matannu nudoraka, kocciki assulu' anjo matannu! Bajikangangi tenaya siali matannu assala' antamakko ri Lino BeruNa Allata'ala, kala anggannaka rua matannu mingka nipelakko antama' ri naraka.

PANGNGEBARANG 6:25

Teako erokki nigoda ri kaga'ganna ke'nanga, teako takkontakki mae ri mata manynyonyo'na ke'nanga.

AYUB 33:1

“Kamma-kamma anne Ayub, pilangngeri bajiki anne kana-kana eroka kupabattu.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

KELONG MALA'BIRI' 7:9

bawanu te'ne kammai anggoro'! Lappassammi assolong anjo anggoroka mae ri tanringku, assolong tena tappu'na; appabangunga tanring passingaiang, ba'lalo ri sikamma tau attinroa.