PANGNGEBARANG 23:29 - KITTA' MATANGKASA'

^29-30 Nuassengi apa kajarianna ri tau angnginunga anggoro' jai dudu, na masarro nakasia' inungang terasaka? Anjo taua a'jari sessai siagang pa'risiki ri katallassanna. Tuli a'besereki siagang akkunrarengi. Ejai matanna siagang a'bokka'-bokkaki kalenna, na sikontutojenna akkulle ngasenji naliliang anjo sikammaya.

PANGNGEBARANG 23:29 Referans Kwoze

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

YESAYA 5:22

Cilakako kau tuporea angnginung anggoro'! Baraniko siagang hebakko punna accampurukko inungang terasa'!

YESAYA 5:11

Cilaka mako kau! Battu ri bari'basa' sa'genna bangngi iaji bawang nugaukang angnginunga inungang terasa' siagang nasa'ringa.

PANGNGEBARANG 23:21

saba' anjo ke'nanga la'jari kasi-asi. Punna attinrojako bawang, tasalloami nummakeang kekke'-kekke'.

NAHUM 1:10

Lanitunuko rapang rarame kalotoro' kontu rompo' akkatinting sikalasaka.

PANGNGEBARANG 20:1

Inungang terasaka napa'jari kurangajaraki siagang ricui taua. Toloi tau angnginunga sa'genna nasa'ring.

2 SAMUEL 13:28

Naparentakammi mae ri sikamma ata-atanna angkana, “Parhatikangi baji'-baji', punna nasa'rimmo Amnon angnginung anggoro', lakusareko pammatei nampa nubuno. Teako mallakki. Inakke antanggongi anne passalaka. Pa'baraniangi kalennu anggaukangi siagang teako bata-batai.”

PA'JARIANG 49:12

Eja matanna lanri angnginung anggoro', kebo' giginna lanri angnginung dadi'.

2 SAMUEL 11:13

Jari angnganremi siagang nipainummi jai-jai sa'genna nasa'ring. Mingka anjo bangngia tena tongija nammotere' Uria mange ri balla'na, passangalinna attinroi a'lapara' kalimbu' ilalang ri bili'na pangawala'na balla' kakaraenganga.

PANGNGEBARANG 23:20

Teako sileporangi siagang painunga siagang tau angngoaya,

PA'JARIANG 19:33

Anjo bangngia napainummi anggoro' manggena ke'nanga, nampa mange anjo ana' baine toaya assikatinroang siagang manggena; mingka lanri ta'liwa' nasa'rinna manggena ke'nanga, sa'genna tanaassengamo apa kajarianga.