PANGNGEBARANG 22:18 - KITTA' MATANGKASA'

¹⁸ Lasannangko punna nuboli' ri pa'mai'nu anjo pangngajarangku. Na lanri kammana sadia mako punna erokko ampakei.

PANGNGEBARANG 22:18 Referans Kwoze

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

PANGNGEBARANG 2:10

La'jariko tu cara'de', siagang anjo pangngassengannu lanapakarannui pa'mai'nu.

PANGNGEBARANG 15:7

Kana-kana tau cara'deka rassi siagang pangngassengang, mingka pikkiranna tau dongoka tena nakamma.

PANGNGEBARANG 10:21

Kana-kananna tau bajika, a'jari barakkaki mae ri tau jaia; kadongokanna tao dongoka ambunoi kalenna.

PANGNGEBARANG 8:6

Parhatikangi kana-kanangku, lanri annabana ngaseng siagang baji'na matu-matunna.

PAMMUJI 119:103

Tamaka te'nena kana-kananTa, te'neangngangi naje'ne' bania!

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.

YOHANES 7:38

Ri passala'na tau tappaka mae ri Nakke, niaki tattulisi' lalang ri Kittaka angkana, ‘Battu lalang ri atinna assolong je'ne' assarea katallassang.’ ” (

PANGNGEBARANG 25:11

Tangara' nipasuluka ri wattu coco' sikalia sanrapangi rappo bulaeng lalang ri panne pera'.

PANGNGEBARANG 16:21

Tau cara'deka niassengi nibatei battu ri pikkirang taranna; angngallei pa'mai' batena a'bicara, ampa'jari nipatappa' kana-kananna.

PANGNGEBARANG 10:13

Tau taranga pikkiranna, kana-kana cara'de' napasulu'; tau toloa parallui nicambo'.

PANGNGEBARANG 3:17

Kacara'dekanga napakasannangi tallasa'nu siagang napa'jariko salewangang.

PAMMUJI 119:171

Erokka' tuli mammuji mae ri Katte, saba' iKatte angngajarakka' katantuanTa.

PAMMUJI 119:162

JanjinTa ampakarannua', sanrapang tau ammuntuluka pa'barang-barangngang.

PAMMUJI 119:111

ParentaTa iami pisakaku satunggu-tungguna, ampakarannui pa'maikku.

PAMMUJI 119:13

Kulompoi sa'rangku ampappiassengangi sikontu hukkung Kipassareanga.

PAMMUJI 19:10

Anjo manynyombaya ri Batara bajiki, nigaukang satunggu-tungguna. Anjo hukkunNa Batara tojengi, na adele' ngaseng.

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

PANGNGEBARANG 22:19

Kupangngajarrangi mae ri kau kamma-kamma anne lanri kukellaiko ampatanjengi panrannuannu mae ri Batara.

PANGNGEBARANG 4:20

Parhatikangi kana-kanangku, na'! Pilangngeri sikamma pappakaingakku.

PANGNGEBARANG 4:21

Teako pelakki, passangalinna tuli boliki ri pa'mai'nu.