PANGNGEBARANG 21:30 - KITTA' MATANGKASA'

³⁰ Tena kaporeang, tarang pikkirang, siagang kacara'dekang akkulle attahang ri dallekanNa Batara.

PANGNGEBARANG 21:30 Referans Kwoze

LAMPA-LAMPANA 5:39

Mingka punna apa-apa battu ri Allata'ala anjo napangngajarranga siagang nagaukanga ke'nanga, ma'nassa takkulleako ambetai ke'nanga. Ba'lalo akkullei a'butti angkanaya nuewai Allata'ala.” Natarimami sidanga anjo pappakainga'na Gamaliel.

PANGNGEBARANG 19:21

Rupataua jai rancanana, mingka kaputusanNa bawang Batara a'jari.

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

YESAYA 14:27

Le'ba'mi Natappuki Batara Kaminang Makoasaya untu' laNagaukang kammaya anjo. LaNapajonjoi limanNa untu' assare hukkungang, siagang tena manna sitau akkulle ampisangkai.

1 PETRUS 2:8

Siagang “Iami anjo batua napattatto'roi taua, batu ampatu'gurukai ke'nanga.” Tatto'roi ke'nanga lanri tatappakai mae ri kananNa Allata'ala. Kammami anjo le'baka Napattantuangi Allata'ala untu' ke'nanga.

YUNUS 1:13

Mingka napikulle-kullei iji sikamma ana' kappalaka ambisei anjo kappalaka mange ri bontoa. Mingka pila' a'jallo'ji bombanga, sa'genna tena matu-matunna usahana ke'nanga.

LAMPA-LAMPANA 5:38

Jari kamma-kamma anne, pappakaingakku ri anne passalaka iamintu: tea' mako nanuapa-apai anne sikamma taua, mingka lappassang tommi mange ke'nanga. Nasaba' punna apa-apa battu ri rupataua anjo napangngajarranga siagang nagaukanga ke'nanga, ma'nassa lalanynya' kale-kale tonji anjo apa napangngajarranga nagaukanga ke'nanga.

KATO'BA 6:10

Yangasenna apa niaka, sallo memammi nia'na. Niassengi angkanaya takkulleai taua anggeakki tau la'bi gassinga na kalenna.

YESAYA 45:9

Cilakai tau eroka a'gea' siagang Mappa'jarina; rapangi uring butta angngewayai tumappare'na. Maka akkuta'nangi butta pika mae ri papare' uring buttaya, angkana, “Apa antu nupare'?” Maka akkunrarengi anjo uringa angkanaya tena kacara'dekanna anjo tumappare'na?

YOSUA 2:2

Nalangngereki karaenna kota Yerikho angkanaya nia' tu Israel battu ammata-matai daera Yerikho.

2 SAMUEL 11:9

Mingka tammoterai Uria passangalinna attinroi ri dallekanna pakke'bu' lompona balla' kakaraenganga siagang ngaseng pangawala'na karaenga.

1 KARAENG-KARAENG 14:6

Mingka kamma nalangngere'na Na'bi Ahia sa'ra bangkenna ri pakke'buka, nakanamo, “Antamakko mae, kuassengi angkana bainennako Yerobeam. Tea' mako assara-sarai. Nia' kabara' kodi untu' ikau.

2 KARAENG-KARAENG 6:12

Nia'mo kalase'renna anjo perwiraya appiali angkana, “Tena manna sitau appakamma karaeng. Mingka Na'bi Elisa passabakkanna! Iami ampabattui mae ri karaeng Israel apa kipaua, manna pole nalalang ri kamara' katinroanta kipau.”

AYUB 41:2

Maka akkullei nusarei otere' muncenna, yareka nusare pakkai' bassi gigi nga'ngala'na?

YESAYA 36:5

Nukanaka bicaraji bawang akkulle ansambeangi akkala' pa'bundukanga siagang kakassakanna tantaraya? Inaika nupattoang sa'gennu barani kamma angngewai Asyur?