PANGNGEBARANG 21:20 - KITTA' MATANGKASA'

²⁰ Tau cara'deka tuli kala'biangi siagang kalumanynyangi mingka tau toloa napa'laboangi barang-baranna.

PANGNGEBARANG 21:20 Referans Kwoze

PAMMUJI 112:3

Lakalumanynyangi siagang lacoppongi kaluargana, siagang lasalewangangi satunggu-tungguna.

KATO'BA 5:19

Nabonei Allata'ala sa'genna rassi pa'mai'na taua anjo siagang karannuang; jari tena nalussa' annawa-nawai ri passala' sinampe'naja anne tallasaka.

KATO'BA 7:11

Tau attallasaka mustina nia' kacara'dekanna; anggaranna anjo kacara'dekanga sangkammai barang pisaka;

PANGNGEBARANG 15:6

Ri balla'na tau bajika jai barang-barang; kakalumanynyangnganna tau ja'dalaka lalanynyaki lanri bala.

PANGNGEBARANG 10:22

Lanri barakka'Na bawang Batara na'jari kalumanynyang taua; anjama terasaka takkulleai natambai barang-baranga.

LUKAS 16:1

Nakana Isa ri ana'-ana' gurunNa, “Nia' se're tau kalumanynyang. Na nia' sitau pagawena nasarea ammolika doe' siagang angngurusukai pa'barang-baranganna. Nia'mo tau ampabattuangi angkanaya nipa'laboangi doe'na ri anjo pagawe ambolikai doe'na.

LUKAS 15:14

Na ri wattunna la'busu'mo doe'na, sitabang naalle tommi cipuru' lompo anjo pa'rasanganga. Sa'genna appakkaramulami a'jari susa tallasa'na anjo anaka.

PAMMUJI 23:5

Kipasadianga' passua'-suarrang ri dallekang matanna balingku. Kiruppaia' sangkamma toana lompoa. Kipatalanga' inungang bajika siagang alla'bi-la'bia.

LUKAS 6:45

Punna baji' taua, mattantu labaji' tongi kana-kananna, lanri sangnging kabajikang lalang ri atinna. Na punna ja'dala' taua, mattantu laja'dala' tongi kana-kananna, lanri sangnging kaja'dallang lalang ri atinna. Nasaba' apa-apa mamo assulu' ri bawaya ia tomminjo niaka lalang ri atia.”

MATIUS 25:8

Nakanamo anjo tulolo toloa mae ri tulolo cara'deka, ‘Sare tongki' minynya' tananu sike'de', kaikatte lamatemi rinrana sulota.’

KATO'BA 10:19

Passua'-suarranga angngerangi kakkala', na anggoroka appakarannu. Mingka parallui nia' doe' untu' pa'bayara'na.

AYUB 20:18

Sikontu passawalanna musti napoterangi; talanakasiakkai wassele' usahana.

AYUB 20:15

Barang-barang nilukka' naa'luka, tarpassa nalangngeangi; Napasuluki Allata'ala battu lalang ri battanna.

PANGNGEBARANG 8:21

Inai tau angkamaseanga', kupa'jari kalumanynyangi; kupirassi balla'na siagang barang-barang.

PANGNGEBARANG 14:24

Tau cara'deka nipuji lanri kacara'dekanna; tau dongoka alla'bangi niasseng kadongokanna.

PANGNGEBARANG 22:4

Tau mappilangngeria ri Batara na napakatuna kalenna, lamate'nei, kala'biangi, siagang nipakalompoi.