PANGNGEBARANG 21:16 - KITTA' MATANGKASA'

¹⁶ Tau tamannurukia ri bate tallasa'na tau bajika akkala'na, mattantu labattui mange ri linona tau matea.

PANGNGEBARANG 21:16 Referans Kwoze

IBRANI 10:38

Na ia ummakKu annabaya latappa'mi siagang lattallasa'mi; mingka punna nia' ri ke'nanga lammono'boko, tasannangai pa'maikKu mae ri ia.”

PAMMUJI 125:5

Mingka tau a'gau' jekkonga poro nihukkung laloi ri Batara siagang tau ja'dalaka. Poro salewangang lalo ummatTa!

PAMMUJI 49:14

Kammaminjo sarenna tau ampattoangiai kalenna, siagang allo ri bokona tau sukkuka nasa'ring ri kana-kananna.

YUDAS 1:12

Ri wattunnu assua'-suara' angnganre, ia ngasemmi anjo tau kammaya anra'massiko. Nasaba' tena siri'na ke'nanga angnganre siagang sanna' angngoana; kaparalluang kalennaji bawang najampangi ke'nanga. Sanrapangi ke'nanga rammang nairika anging mingka tena nappaturung bosi. Sanrapang tongi ke'nanga poko' kayu tenaya na'rappo manna pole nawattu pa'rappoammo; sanrapangi poko' kayu le'bakamo nibi'bu' siagang mate taba sikalimi.

1 YOHANES 2:19

Ia musu-musunNa Almasi, iamintu sikamma tau a'lampayamo ambokoiki', nasaba' anjo ke'nanga teai memangi taunta. Punna taunta anjo ke'nanga, tantu tuli ammantangi assiagang ikatte. Mingka assulu'mi ke'nanga battu ri katte, sollanna a'jari singara'mo angkanaya tena manna sitau battu ri ke'nanga antama' tojeng-tojenga ri golonganta.

EFESUS 2:1

Riolo matemi katallassang rohaninu, lanri dorakanu siagang nudakkaina parentaNa Allata'ala.

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

PANGNGEBARANG 9:18

Anjo tau nagappaya tanaassengai kalenna angkana tau battua ri anjo bainea lanarapi'mi a'jala'na anjoreng; siagang inai-nai antama'mo ri balla'na, sangkammami angkana antamaki ri linona tau matea.

PANGNGEBARANG 2:13

Taerokai ke'nanga anturuki nikanaya cara attalasa' bajika; oloang sassang siagang rassia dosa naolo ke'nanga.

PANGNGEBARANG 11:19

Inai talanrea a'gau' baji', lamate'nei tallasa'na; inai ero' dudu a'gau' ja'dala' lamangei ri kamateang.

YEHEZKIEL 18:24

Mingka punna nia' tau baji' natenamo nagaukangi bajika, ba'lalo appakkaramulami nagaukang kaja'dallanga siagang sikontu panggaukang appakaringi' biasaya nigaukang ri tau ja'dalaka, maka lakkullei tuli attallasa'? Tena! Battu ri sikamma anjo panggaukang-panggaukang baji'na, tena manna se're laniu'rangi poleang. Lamatei lanri nagaukanna dosaya siagang lanri tenana namajarre' mae ri Nakke.

PANGNGEBARANG 5:23

Matei lanri tenana naero' annarima pappakainga'. Katoloanna angngerangi mae ri kaancuranga.

PANGNGEBARANG 19:16

Tau mannurukia ri sikamma parentaNa Allata'ala lasalamaki, tau tenaya naanggaraki lamatei.