PANGNGEBARANG 21:1 - KITTA' MATANGKASA'

¹ Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

PANGNGEBARANG 21:1 Referans Kwoze

PANGNGEBARANG 16:9

Akkullei rupataua appare' rancana, mingka Allata'ala ampattantui oloang tallasa'na.

PANGNGEBARANG 20:24

Le'ba' Napattantumi Batara oloang tallasa'na rupataua ri anne linoa; lanri kammana minjo natakkullea napahang oloang katallassang kalenna rupataua.

EZRA 6:22

Tuju allo sallona ke'nanga a'rannu-rannu assuarri Passua'-suarrang Roti Tenaya nammake Pa'gambang. Sannang sikali nyawana ke'nanga lanri Napagio'na Batara nyawana karaeng Asyur, sa'genna a'jari lammoro' pa'mai'mo anjo karaeng Asyur mae ri ke'nanga, nampa nabantumo ke'nanga lalang anjo jama-jamang pambangunanna Balla'Na Batara, Allata'alana Israel ri Yerusalem.

LAMPA-LAMPANA 7:10

nanitulung battu ri sikontu kasusaanna. Nisarei ri Allata'ala kabajikang pa'mai' siagang kacara'dekang ri wattunna andallekang ri Firaun karaenga ri Mesir. Sa'genna niangka' a'jari Tumalompo ri pa'rasangang Mesir, siagang tukoasa ri Balla' Lompona Karaeng Firaun.

PANGNGEBARANG 16:1

Rupataua akkullei appare' rancana, mingka Allata'ala assare kaputusang.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

PAMMUJI 106:46

Napa'jarimi ke'nanga nikamaseang ri sikontu bansa antahangai ke'nanga.

YESAYA 43:19

Parhatikangi, nia' apa beru Kugaukang; anne kamma appakkaramulami, tenaka nuciniki? LapparekKa' oloang ri parang lompoa, siagang binanga-binanga ri parang luaraka.

PAMMUJI 105:25

Napinrai pa'mai'na tu Mesir sa'genna birisi' ri umma'Na na nagau' jekkommo ke'nanga sikamma ata-atanNa.

NEHEMIA 2:4

Akkuta'nammi karaenga angkana, “Jari, apa nukaeroki?” Lalang atingku appala' doamma' ri Allata'ala makoasaya ri suruga;

NEHEMIA 1:11

Kipilangngeri laloi anne pappala' doangku siagang pappala' doanna atanTa maraenga, eroka ampakala'birikKi'. Kipabattumi pannulunTa sollanna anne alloa akkullei anne atanTa anggappa pangngamaseang battu ri karaenga.” Anjo wattua inakke pangngurusu' inunganna karaenga.

PAMMUJI 74:15

Kipa'lo'loroki je'ne' timbusenga siagang je'ne' binangaya; binanga lompoa Kipa'jari kalotoroki.

YESAYA 44:27

INakke angkana mae ri tamparanga: esakko! INakke ampa'jari kalotoroki sikamma binanganu.

PAMMUJI 93:4

Mingka Batara makoasa ri suruga, la'bi hebakkangngang na arrunna tamparang lompoa, la'bi gassingangang napa'jallo'na bombanga.

PAPPICINI' 16:12

Le'baki anjo natumpami bonena pammoneanna anjo malaeka' makaannanga naung ri Binanga lompoa, iamintu Efrat. A'jari kalotoro'mi anjo binangaya sa'genna a'jappamo sikamma karaeng battu rayaya angngolo anjoreng.

PAPPICINI' 16:4

Nampa natumpami bonena pammoneanna anjo malaeka' makatallua naung ri sikamma binangaya siagang sikamma timbuseng je'neka, sa'genna a'jari cera' je'ne'na.

PAMMUJI 114:5

Apa kutadeng, he tamparang, nanulari, siagang Binanga Yordan nummari a'lo'loro'?

PAMMUJI 114:3

Niciniki ri Tamparang Alara' nampa a'lampa, ammari Binanga Yordan a'lo'loro'.

YEREMIA 39:12

“A'lampako amboyai Yeremia, siagang jagai baji'-baji'. Teako apa-apai; gaukangi apa nakaerokia.”

KALAPPASSANG 7:3

Mingka laKupa'jari anjo karaenga terasa' pa'mai'na. Tena nalanajampangiko, manna pole kuppabattu jai bala ri Mesir.

2 KARAENG-KARAENG 19:33

Lammotereki karaeng Asyur rioloang naoloa ri wattunna battu, natena napantamakki anjo kotaya. INakke, Batara anne akkana kamma.

EZRA 1:1

Ri taung makase're ammarenta Kores, karaeng Persia, Narupaimi Batara apa le'baka Napau tete ri Na'bi Yeremia. Napagio'mi Batara nyawana Kores untu' appasulu' se're parenta, nibacaya ri sikontu kakaraenganna. Ia bonena anjo sura' parentaya iamintu:

EZRA 1:2

“Anne parentana Kores, karaeng Persia. Batara, Allata'ala makoasaya ri suruga, le'ba' angngangkaka' a'jari karaeng ri sikontu linoa, siagang nasarea' tugasa' untu' ambangung Balla' untu' KalenNa ri Yerusalem, ri daera Yehuda.

NEHEMIA 2:8

Pantaranganna anjo appala' tomma' sura' untu' Asaf, iamintu pangngurusu'na romanga ri pa'rasanganga, sollanna napasadianga' kayu untu' pakke'bu' lompo pa'jaganga ri ampi'na Balla'Na Batara ri Yerusalem; kammayatompa untu' tembo'na kotaya siagang balla' lakupammantangngia. Naturukiang ngasemma' karaenga anjo pappalakku, lanri Natulunga' Allata'ala.

ESTER 2:17

Napa'jari sannammi siagang napakasunggumi nyawana karaenga la'biangngang natulolo maraengannaya. Lanri kammana, iami kaminang ningai ri karaenga. Jari nipipakeimi ri karaenga songko' karaeng, iamintu nipadongkoki ri ulunna Ester. Nipa'jarimi ratu ansambeangi Ratu Wasti.