PANGNGEBARANG 2:9 - KITTA' MATANGKASA'

⁹ Punna mannurukiko ri nakke ana', lanuassengi anjo apa nikanaya adele', lambusu', siagang baji'. Lanuasseng tongi angkana antekamma batenu nukkulle tulusu' attallasa'.

PANGNGEBARANG 2:9 Referans Kwoze

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

PAMMUJI 119:99

Pammahangku la'biangngangi napammahanna guru-gurungku, lanri inakke kunawa-nawai sikamma parentaTa.

PAMMUJI 32:8

Nakana Batara, “LaKupicinikiangko oloang mustia nuolo, laKurenrengko siagang laKupakaingakko.

YESAYA 35:8

Anjoreng lania' agang lompo, “Oloang mangea ri kasalamakkang” arenna. Tau dorakaya talammaloai anjoreng, tau toloa talanapa'linguai tau angngoloa anjoreng.

PAMMUJI 119:105

Kana-kananTa sanrapangi sulo ri jappaku, cahaya untu' ansingari oloangku.

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

PANGNGEBARANG 8:20

Amminawanga' ri oloang kaadelanga, a'dakka' ri agang kalambusanga.

PANGNGEBARANG 28:5

Kaadelanga tanapahangngai tau dorakaya, mingka tau anynyombaya ri Batara, napahang tojeng-tojengi.

PAMMUJI 25:12

Kipangngajarrangi mae ri tumappilangngeria oloang musti naoloa ke'nanga.

PANGNGEBARANG 4:12

Punna kamma anjo tallasa'nu, tenamo nulanggappa salibanra ri wattu a'jappanu, siagang tenamo nulatatto'ro ri wattunnu lari.