PANGNGEBARANG 2:22 - KITTA' MATANGKASA'

²² Mingka tau ja'dalaka siagang tau dorakaya lanipasambilai assulu' ri Allata'ala battu ri anjo pa'rasanganga, sanrapang ruku' nibi'buka battu ri buttaya.

PANGNGEBARANG 2:22 Referans Kwoze

PAMMUJI 52:5

Ikau la'bi nungaiangngangi kaja'dallanga na kabajikanga, nungaiangngangi a'balle-ballea nakkana tojenga.

PAMMUJI 37:28

Saba' Nangai Batara panggaukang bajika siagang adeleka, tena Nabalang parekangi ta'ronang tau majarreka ri Ia. Najagai ke'nanga satunggu-tungguna, mingka natumpasaki turunganna tu ja'dalaka.

PAOLE 7:22

Anjo bansa-bansaya laNabongka tassike'de'-ke'deki battu ri dallekannu. Takkulleai linta' dudu nuancuru' ke'nanga, sollanna tena napila' katambang olo'-olo' sekkeka akkullea ambahayakangko.

PANGNGEBARANG 10:30

Tau te'nea pa'mai'na tallasa'na laamangi na salewangang; tau ja'dalaka talammantangai ri butta pisakaya.

PAMMUJI 145:20

Najagai sikontu tau mangngaia mae ri Ia, mingka tau ja'dalaka napossoki.

PAMMUJI 104:35

Boli'mi kamma lanynya' battu ri lino tau dorakaya, boli'mi kamma cappu' posso' tau ja'dalaka. Pujimi Batara, he nyawaku! Pujimi Batara!

AYUB 21:30

Nakana ke'nanga, ‘Ri allo appabattuNa hukkungang Allata'ala, lanipasalamaki sikamma tau ja'dalaka.’

PAMMUJI 37:22

Tu nibarakkakia ri Batara lanawarisiki anjo buttaya, mingka laNabongkai tu Natunraya.

PAMMUJI 37:20

Mingka tu ja'dalaka lapossoki, musunNa Batara lalanynyaki sanrapang bunga ri paranga, lalanynyaki ke'nanga lalang umbua.

PAOLE 29:28

A'lappo' hebaki larroNa Batara, siagang lalang larro lompoNa anjo Nabi'bu'mi bansa Israel battu ri buttana ke'nanga nampa Napasambila ke'nanga mange ri pa'rasanganna bansa maraenga. Iaminjo saba'na nania' ke'nanga anjoreng.’

PANGNGEBARANG 11:3

Tau bajika nirenrengi ri kalambusanga; tau paballe-ballea lanipanraki ri balle-ballena.

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

1 KARAENG-KARAENG 14:14

Lanisarei Israel ri Batara sitau karaeng lampaccappukiai kadudukanna turunganna Yerobeam salaku karaeng. Narapi'mi allonna! Appakkaramula kamma-kamma anne

1 PATTOTTORANG 10:13

Matei Saul lanri amminrai mae ri Batara, siagang tena naturuki sikamma parentaNa. Tena nappala' pitunju' ri Batara, mingka appala' maei ri roh-rohna tu matea. Iaminjo saba'na nanihukkung ri Batara, siagang nipassareang kakaraenganna mae ri Daud ana'na Isai.

PAMMUJI 52:7

Mingka ikau lanipossokko ri Allata'ala satunggu-tungguna; nijakkalakko siagang nire'resangko battu lalang ri balla'nu, siagang nipa'lanynyakko battu ri linona tau attallasaka.