PANGNGEBARANG 2:10 - KITTA' MATANGKASA'

¹⁰ La'jariko tu cara'de', siagang anjo pangngassengannu lanapakarannui pa'mai'nu.

PANGNGEBARANG 2:10 Referans Kwoze

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

AYUB 23:12

Sikamma parentaNa tuli kuturuki, Kupinawangi ero'Na, teai ero' kalengku.

PAMMUJI 119:162

JanjinTa ampakarannua', sanrapang tau ammuntuluka pa'barang-barangngang.

PAMMUJI 104:34

Poro anggappa pangngellai battu ri Ia kelong-kelongku, saba' Iami ampa'jari rannui pa'maikku.

PAMMUJI 19:10

Anjo manynyombaya ri Batara bajiki, nigaukang satunggu-tungguna. Anjo hukkunNa Batara tojengi, na adele' ngaseng.

PAMMUJI 119:111

ParentaTa iami pisakaku satunggu-tungguna, ampakarannui pa'maikku.

PANGNGEBARANG 14:33

Kacara'dekanga tuli niaki lalang ri pikkiranna tau bajika akkala'na; mingka nijallakkangi lalang ri pikkiranna tau dongoka.

PAMMUJI 119:103

Tamaka te'nena kana-kananTa, te'neangngangi naje'ne' bania!

PAMMUJI 119:97

Tamaka kungaina hukkunTa; kunawa-nawai sila'busu' allo.

PANGNGEBARANG 1:4

Naajaraki tau tenaya pangalamanna sa'genna a'jari tarang pikkiranna, kammayatompa tau rungkaya naajaraki a'jari tau cara'de' siagang appikkiri' kamma tau toa.

PANGNGEBARANG 22:18

Lasannangko punna nuboli' ri pa'mai'nu anjo pangngajarangku. Na lanri kammana sadia mako punna erokko ampakei.

PANGNGEBARANG 4:6

Pakala'biriki kacara'dekanga, nanijagaiko ri kacara'dekanga; mangngaiko ri ia natuli lanajagaiko sollannu tuli amang.