PANGNGEBARANG 2:1 - KITTA' MATANGKASA'

¹ Ana', tarima laloi ajarang-ajarangku, siagang tuli u'rangi laloi sikamma pappakaingakku mae ri kau.

PANGNGEBARANG 2:1 Referans Kwoze

PANGNGEBARANG 3:1

Teako takkaluppai ri apa le'baka kuajarrangko, ana'. Tuli u'rangi parentaku,

PANGNGEBARANG 1:3

Anne sikamma pappakaingaka naajaraki taua antekamma nakkulle a'jari tu cara'de' lalang tallasa'na, lambusu', adele' siagang annaba.

PANGNGEBARANG 4:1

He ana'-anaka, pilangngeri laloi pappakainga'na manggenu. Parhatikangi anjo, nanula'jari tau cara'de'.

PANGNGEBARANG 7:1

U'rangi laloi kana-kanangku, ana', siagang teako kaluppai apa kuparentakanga mae ri kau.

PANGNGEBARANG 6:21

Tuli u'rangi kana-kananna ke'nanga siagang boliki anjo ri pa'mai'nu.

AYUB 23:12

Sikamma parentaNa tuli kuturuki, Kupinawangi ero'Na, teai ero' kalengku.

PANGNGEBARANG 4:10

Pilangngeria' na'! Parhatikangi baji'-baji' sikamma pappakaingakku, nala'bu umuru'nu.

LUKAS 2:19

Mingka napariatimi siagang nanawa-nawami Maria sikamma anjo passalaka.

MATIUS 13:44

“Punna ammarenta Allata'ala, pangngebaranna lakammaminne: Nia' barang-barang taccokko lalang butta, nanibuntulu' ri se'reang tau, na napoterang pole anjo baranga antama' ri buttaya. Nampa, lanri teai sipato' rannuna, a'lampami anjo taua ambalukang ngasengi sikontu barang-baranna, na nampa ammotere' amballi anjo tampaka sumpaeng.”

1 TIMOTIUS 1:15

Kontu tojengi anne bicaraya; jari siratangi nitarima siagang nipatappa' tojeng-tojeng, angkanaya: “Battui Isa Almasi antama' ri anne linoa untu' ampasalamaki tau dorakaya.” Na inakkemi anne tau doraka kaminang ja'dalaka.

LUKAS 9:44

“Pilangngeri baji'-baji', siagang teako kaluppai anne kana-kanangKu: Lanipassareangi Ana' Ma'rupataua mae ri koasana rupataua.”

LUKAS 2:51

Le'baki anjo, ammotere'mi ke'nanga siagang Isa mange ri Nazaret. Amminawang turu'mi Isa ri ke'nanga. Napariatimi amma'Na sikamma anjo passalaka.

PAMMUJI 90:12

Kipakaingaki ikambe antekamma bodona anne tallasaka sollanna a'jari tau tutu baji' ikambe.

PAOLE 30:13

Tena todong naba'leang tamparang ammantang. Tena nuparallu akkuta'nang angkana, ‘Inai la'limbang tamparang untu' angngerangi mae ri katte sollanna akkulle nipilangngeri siagang nituruki?’

PANGNGEBARANG 8:1

Pilangngeri! Akkio'-kioki kacara'dekanga, assa'rai pangngassenganga.

PANGNGEBARANG 9:1

Kacara'dekanga ambangummi balla', siagang napaenteng tujua bentenna.

PANGNGEBARANG 28:7

Turungka mannurukia ri hukkung, iami tu cara'de'. Mingka tau sileporanga tau pa'laboanga napakasiriki manggena.