PANGNGEBARANG 19:29 - KITTA' MATANGKASA'

²⁹ Tau tolo tinggi langgaya mattantu laniba'ji.

PANGNGEBARANG 19:29 Referans Kwoze

PANGNGEBARANG 26:3

Musti nisa'mangi keledaia, jaranga musti nicamboki, kamma tomminjo tau dongoka musti nitunrungi.

PANGNGEBARANG 10:13

Tau taranga pikkiranna, kana-kana cara'de' napasulu'; tau toloa parallui nicambo'.

PANGNGEBARANG 9:12

Punna kacara'dekang nupatang, ikau kalennu laupa'. Mingka punna nusorongboko kacara'dekanga, ikau tonji pole napakarugi.

IBRANI 12:6

Nasaba' Naajaraki Batara sikamma tu Nakamaseanga, na Nacambo' tu Naakuia salaku ana'Na.”

YESAYA 29:20

Iaminjo kale'bakkanna sikamma tau anjallakkangai paranna tau siagang anghinayai Allata'ala. LaNahukkungi Allata'ala sikontu tau dorakaya,

YESAYA 28:22

Kulangngere'mi kaputusanNa Allata'ala Kaminang Tinggia siagang Kaminang Makoasaya, iamintu lanaancuruki sikontu pa'rasanganga. Teako callai anne kana-kana kupabattua, kana-kana pappakaingaka. Sallang la'bi sukkarrangngangi lanupata'lappasa' kalennu!

PANGNGEBARANG 18:6

Punna a'bicara tau toloa, appaumbai pa'beserang siagang eroki niajara'.

PANGNGEBARANG 17:10

Se'rea pappasaile tinggiangngangi anggaranna mae ri tau bajika akkala'na kala sibilangngang paccambo' mae ri tau dongoka.

PANGNGEBARANG 7:22

Tappikkirami nanapinawammo anjo bainea sanrapang sapi nirenrenga mange ri pammolonganga siagang sanrapanga tunitahang nieranga a'lampa untu' antarimai hukkungang nipasadiaya untu' tau toloa;

PANGNGEBARANG 3:34

Nakabirisi Batara tau tinggi langgaya, mingka Nabarakkaki tau tuna pa'maika.

PAOLE 25:2

Punna anjo salaya nisarei hukkungang paccambo', hakinga musti nasuroi anjo taua akkulantu'. Siapa jaina paccambo' nagappa, situruki battu ri antekamma kaja'dallang le'baka nagaukang,

PAMMUJI 1:1

Mate'nei taua tenaya namminawang ri ero' tu ja'dalaka, tenaya namannuruki ri tu dorakaya na tenaya nasileo' siagang tu ampakatunayai Allata'ala,

2 KARAENG-KARAENG 2:24

Assailemi Elisa na naciniki ke'nanga siagang nasumpai ke'nanga lanri arenNa Batara. Anjo memang wattua nia'mo ruang kayu macang gana assulu' battu lalang ri romanga nampa nakae-kae kalenna patampulo anrua tau battu ri anjo ana'-anaka.

PANGNGEBARANG 1:22

“He tau dongoka! Siapa sallonu tuli lakamma? Kerepi wattu nanupammari ambawang-bawangngangi pangngassenganga siagang ansorongbokoi pappilajaranga?

PANGNGEBARANG 1:26

Lanri kammana, punna cilakako, lakukakkaliko. Punna nabattuiko malla', lakucau-cauko.