PANGNGEBARANG 19:23 - KITTA' MATANGKASA'

²³ Pakalompoi Batara, na nuttallasa' mate'ne; lasukkuki pakkasia'nu siagang lata'lappasakko battu ri balaya.

PANGNGEBARANG 19:23 Referans Kwoze

MATIUS 5:6

Mate'nei tau attojeng-tojenga ero' anggaukangi ero'Na Allata'ala; nasaba' iami lanipasukku' tallasa'na ri Allata'ala!

PANGNGEBARANG 12:21

Tau bajika talanatujuai bala; tau ja'dalaka tuli lanatujui susa.

PAMMUJI 90:14

Kipakajaimi pangngamaseanTa mae ri kambe bari'-bari'basa', sollanna rannu siagang akkelong ikambe lalang sikontu tallasa'na.

1 TIMOTIUS 4:8

Anjo latihang tubua sike'de'ji matu-matunna; mingka latihang rohania a'matu-matui lalang sikontu-kontuna katallassanta, nasaba' akkimbolongi janji untu' katallassanta ri kamma-kammaya anne siagang katallassang labattua.

PANGNGEBARANG 10:27

Pakalompoi Batara, nanusallo lattallasa'; tau ja'dalaka mate taria'jala'nai.

PAMMUJI 103:17

Mingka tuli Nakamaseangi Batara tu mappilangngeria, tulusu' a'jarina kabajikanNa ri sikontu turungang,

PAMMUJI 85:9

Erokka' ampilangngeri kananNa Karaeng Allata'ala; Napa'janjiangi kasalewanganga mae ri katte, umma'Na, assala' tenaja nigaukang poleangi dosaya.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

PAMMUJI 91:16

LaKupassukkuki pa'mai'na naKupakala'bu umuru'na, siagang Kupasalamaki.”

PAMMUJI 25:13

Tuli lasukkuki ke'nanga lalang tallasa'na, lanawarisiki ana' cucunna ke'nanga tana pisakaya,

2 TIMOTIUS 4:18

Memang, tuli laNalappassanga' Batara battu ri sikontu usaha ja'dalaka mae ri kalengku. LaNaeranga' siagang salama' antama' ri KakaraenganNa ri suruga. Poro nipakala'biriki sa'genna satunggu-tungguna! Aming.

PAMMUJI 19:9

Anjo paratoranNa Batara coco' sikali, appakasannangi pa'mai'. Anjo Napattantua Batara maci'nongi, napa'jari pahangi taua.

LAMPA-LAMPANA 9:31

A'jari sannammi sikontu jama'aka ri Yudea, Galilea, siagang Samaria. Na lanri malla'na ri Batara siagang pannulunNa RohNa Allata'ala, pila' jarre'mi siagang pila' katambammi jaina ke'nanga.

PAMMUJI 91:10

Natalanatabayako bala, balla'nu talanitujuai ri bala lompo.

PANGNGEBARANG 11:19

Inai talanrea a'gau' baji', lamate'nei tallasa'na; inai ero' dudu a'gau' ja'dala' lamangei ri kamateang.

PANGNGEBARANG 19:22

Sipa' nitayanga battu ri se'rea tau iamintu tamamminrana. Bajikangngangi kasi-asia kala a'jari paballe-ballea.

PANGNGEBARANG 3:24

Lamangeko attinro tamallaka pakkasia'nu, siagang labajiki tinronu sila'busu' bangngi.

PANGNGEBARANG 22:4

Tau mappilangngeria ri Batara na napakatuna kalenna, lamate'nei, kala'biangi, siagang nipakalompoi.