PANGNGEBARANG 19:16 - KITTA' MATANGKASA'

¹⁶ Tau mannurukia ri sikamma parentaNa Allata'ala lasalamaki, tau tenaya naanggaraki lamatei.

PANGNGEBARANG 19:16 Referans Kwoze

LUKAS 10:28

Nakanamo Isa, “Annabami antu pappialinnu. Gaukang ngaseng minjo na nuattallasa'.”

PANGNGEBARANG 13:13

Tau ambawang-bawangngangai ajaranNa Batara, lanacilakai kalenna; tau mannurukia ri hukkunNa Allata'ala, lanagappai pahalana.

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

1 YOHANES 5:3

Nasaba' battuanna nikanaya mangngamaseang mae ri Allata'ala, iamintu nipilangngeri sikamma parentaNa. Na anjo sikamma parentaNa tena nabattala' untu' ikatte;

1 YOHANES 3:22

Siagang apa-apa mamo nipala' battu ri Ia, tena tanigappana, lanri mappilangngeriki' mae ri sikamma parentaNa, siagang nigaukangi apa Nangaia ri atinNa.

PANGNGEBARANG 29:18

Bansa tenaya Nipimpingi ri Batara a'jari bansa tuli rassi karicuang. Mate'nei taua ia mannurukia ri hukkunNa Batara.

PANGNGEBARANG 21:23

Sollanna nililiang kasukkaranga, parallui tutu taua ri kana-kana.

PANGNGEBARANG 16:17

Tau bajika napakabellai kalenna battu ri kaja'dallanga; tau amparhatikangai batena attallasa', najagai kalenna.

PAPPICINI' 22:14

Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.

1 KORINTUS 7:19

Nasaba' nipinawangi yareka tena anjo paratorang sunnaka, rua-rua tena naparallu. Ia parallua iamintu mannurukia ri sikamma parentaNa Allata'ala.

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

KATO'BA 8:5

Tau mannurukia ri ia, laamangi na salewangang; tau cara'deka naassengi angkana ringngapanna siagang antekamma carana mannurukia ri karaenga.

PANGNGEBARANG 3:1

Teako takkaluppai ri apa le'baka kuajarrangko, ana'. Tuli u'rangi parentaku,

YOHANES 14:15

“Punna nukamaseangA', lanugaukangi sikontu parentaKu.

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

YEREMIA 7:23

Poro Kuparentakanji bawang ke'nanga sollanna mannuruki ri Nakke, sollanna iNakke a'jari Allata'alana ke'nanga, siagang ke'nanga a'jari ummakKu. Kusuroi ke'nanga attallasa' situru' parenta-parentaKu sollanna mate'ne ke'nanga.

PANGNGEBARANG 22:5

Sikkoka siagang tadoka niaki ri oloanna tau jekkonga, liliang ngasengi anjo sikammaya, punna erokko salama'.

PANGNGEBARANG 15:32

Tau taeroka nipakainga', tena napakala'biriki kalenna; tau eroka nipasaile, a'jari bajiki akkala'na.

PAMMUJI 103:18

mae ri tau anna'galaka ri parjanjianNa, na tamamminraya anggaukangi parentaNa.

AYUB 5:2

Tau toloaji bawang matea lanri pa'risi' nyawana.

PANGNGEBARANG 21:16

Tau tamannurukia ri bate tallasa'na tau bajika akkala'na, mattantu labattui mange ri linona tau matea.