15 A'malasa'-malasaka akkullei napajannang tinrona taua, kale'bakkanna lanaallei cipuru' anjo lapung tau malasa'.
saba' anjo ke'nanga la'jari kasi-asi. Punna attinrojako bawang, tasalloami nummakeang kekke'-kekke'.
Tau nangaia attinro latu'guru' kasi-asi. Tau rajenga anjama jai kanre-kanreanna.
Ri wattunna nia' ija ikambe ri tangnga-tangnganu ngaseng, napabattumi ikambe anne paratoranga angkanaya, “Tau tenaya naero' anjama, teako sarei kanre.”
Lanri ta'do'do' siagang attinro sinampe', lanri ammempo a'raka' lima siagang ammari-mari sinampe',
Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”
Nakana Batara, “Sangnging tau buta sikamma pamimpinna bansaKu! Tena apa-apa naasseng ke'nanga. Rapangi ke'nanga kongkong pepe tenaya nappilollong, mingka attinroji siagang asso'naji bawang. Sannang sikali tinrona ke'nanga!
Nia' tau teai sipato' malasa'na; manna anynyoanga kanre mae ri bawana kuttu tonji.
Tuli rajengi anjama siagang naparhatikangi urusang lalang balla'na.
Mingka lalang attinrona, nitujumi ri kakurangang siagang kakasi-asiang, battua sanrapang paella' angngerang sanjata.
Tau tenaya najampangi tugasa'na sangkammai kodina siagang tau nangaia ammanraki.
Lapung tau malasaka nangai ammantang ri balla'; nakana, “Nia' singa pantara', nakanrea' sallang ri tangngana aganga.”