PANGNGEBARANG 18:4 - KITTA' MATANGKASA'

⁴ Kana-kananna taua akkullei nakabattui kacara'dekang lantang sanrapang tamparang lompo, ci'nong sanrapang je'ne' assolong.

PANGNGEBARANG 18:4 Referans Kwoze

PANGNGEBARANG 20:5

Bone atinna taua sanrapangi bungung lantang; mingka akkullei nise'ro' ri tau niaka pammahanna.

PANGNGEBARANG 10:11

Kana-kananna tau bajika lappa'niaki tallasa' mate'ne, mingka ri bokona kana-kananna tau ja'dalaka taccokkoi pa'mai' pallaka.

KOLOSE 4:6

Sikamma bicara nupasuluka parallui appakasannang pa'mai' siagang appatimbo pangngai. Parallui nuasseng baji' appiali ri pakkuta'nanna taua.

YOHANES 4:14

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

PANGNGEBARANG 13:14

Ajaranna tau cara'deka sanrapangi kabattuanna kate'neanga; punna nia' bala latattuju, anjo ajaranga appasalama'.

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

MATIUS 12:34

Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!

PAMMUJI 78:2

Erokka' appasulu' paruntu' kana siagang pangngebarang, nakupakasingara' boto-botoang jammang riolo,

PANGNGEBARANG 16:22

Kacara'dekanga iami kabattuanna mate'nena tallasa'na tau bajika akkala'na; tau toloa nisessai ri katoloang kalenna.

PANGNGEBARANG 18:3

Dosaya siagang tunaya sipa'jappangi; punna nicallamo, mattantu nipakatuna tommi.