PANGNGEBARANG 18:18 - KITTA' MATANGKASA'18 Lanri nigoccanna nomoroka, akkullei nipakabaji' passisalanga, ba'lalo passisalanna tukoasaya akkulle tongi nipakabaji'. Gade chapit la |
Untu' pa'le'basanna tugasa'na ke'nanga, massing-massing kapala kaluarga siagang sitau andi'na bura'nea a'besoki lomoro' nigoccang situru' apa nagaukanga sikamma sari'battanna ke'nanga, iamintu sikamma imang turunganna Harun. Anjo lomoro' nigoccanga nisa'bi ri Karaeng Daud siagang Zadok, Ahimelekh siagang kapala-kapala kaluarga battu ri golongang imanga siagang battu ri golongang tu Lewi.
Appala' doammi Saul angkana, “O Batara, Allata'alana Israel, angngapai naKitaeroka ampialia' anne alloa? Appiali maKi' Batara, battu lalang ri anne batu-batu matangkasaka. Punna anjo kasalanga niaki ri nakke yareka ri Yonatan, appiali maki' siagang batu Urim, mingka punna anjo kasalanga niaki ri ummatTa Israel, appiali maki' siagang batu Tumim.” Appialimi Karaeng Allata'ala, na Yonatan siagang Saul najo'jo'. Lalang kammana anjo ma'nassami angkanaya tena nara'yaka sala.