PANGNGEBARANG 17:17 - KITTA' MATANGKASA'

¹⁷ Se'rea sahaba' tuli tamamminrana mae ri aganna, se'rea sari'battang amminawang tongi antanggongi kasusaanga.

PANGNGEBARANG 17:17 Referans Kwoze

PANGNGEBARANG 18:24

Nia' sahaba' tamamminraya, nia' todong la'bi jarre' na sari'battanga.

1 SAMUEL 20:17

Jari makapinruanna Yonatan nasuromi Daud a'janji untu' angkamaseangi, nasaba' ia nakamaseangi Daud sangkamma batangkalenna.

PANGNGEBARANG 19:7

Tau kasi-asia nibalang parekangi ri sari'battanna, sarroangampa na ri aganna. Manna antekamma batena usaha takkulleai naalle pa'mai'na ke'nanga.

1 SAMUEL 18:3

Lanri kammana assumpami Yonatan la'jari agang siagang Daud situlusu'na.

IBRANI 2:11

Isa antangkasi rupataua battu ri dosa-dosana ke'nanga; na Ia annangkasia, kammayatompa anjo ke'nanga nitangkasia, se'reji Mangge napa'jului. Iaminjo natasiri'-sirika Isa angngakui ke'nanga a'jari sari'battanNa.

RUT 1:16

Mingka appialimi Rut angkana, “Teaki' suroia' ammotere' siagang ambokoiki' amma'! Eroka' amminawang ri katte. Kemae-kemae kilampai, anjoreng tommi lakulampai. Kemae-kemaeki' ammantang anjoreng tomma' lammantang. Bansata, iatommi bansaku. Allata'ala kisombaya, iatommi lakusomba.

ESTER 4:14

Manna antekamma carana mattantu langgappai pannulung tu Yahudia, sa'genna salama' ke'nanga. Mingka punna tuli ammantangko tena apa-apa nugaukang ri kamma-kammaya anne, ikau kalennu lamate tongko siagang lapuppusu'mi riwaya'na kaluargana manggenu. Inai angngassengi, gassingka untu' ri wattu-wattu kammayami anne naniangkakko a'jari ratu!”

2 SAMUEL 1:26

He, Yonatan sari'battangku, paccei nyawaku, lanri lompona anggarannu mae ri kalengku. Pangngamaseannu mae ri nakke tamaka la'biri'na ba'lalo la'bi na pangngamaseanna tu bainea.

1 SAMUEL 23:16

Mangemi Yonatan angngagangi sibuntulu' anjoreng untu' ampakajarreki tappa'na angkanaya lanikatutui ri Allata'ala.

1 SAMUEL 19:2

Jari nakanamo ri Daud, “Nausahakangi manggeku ambunoko, jari tutuko. Accokko mako ammuko bari'basa' ri se'reang tampa' tenaya niassengi, siagang ammantang mako anjoreng.

2 SAMUEL 15:21

Mingka appialimi Itai angkana, “O karaeng mala'birikku, lanri arenNa Batara siagang lanri nyawana karaengku, manna pole kemae lampata, tuli lamminawanna todong atanta, manna pole nalandallekang kamateang.”

1 SAMUEL 19:3

La'lampa' mange ri paranga siagang manggeku siagang ammenteng ri ampi'na tampa' nupaccokkoia anjo. Nampa la'bicara' siagang manggeku ri passala'na anjo usahana ero' ambunoko. Lakupabattuangko sallang anjo wassele' pambicaraangku siagang ia.”

PANGNGEBARANG 16:28

Tau jekkonga akkala'na appaumbai pa'beserang; tau nangaia ampitinai paranna tau appasisa'laki bela mabaji'.

PANGNGEBARANG 19:13

Ana' toloa akkullei napanraki manggena. Baine nangaia a'moro-moro sanrapangi je'ne' tenaya nammari-mari ammatti'.