PANGNGEBARANG 16:27 - KITTA' MATANGKASA'

²⁷ Tau ja'dalaka usahai ancilakai paranna tau; ja'dalaki kana-kananna sanrapang pepe' a'bara.

PANGNGEBARANG 16:27 Referans Kwoze

YAKOBUS 3:6

Anjo lilaya sanrapangi pepeka. Iami akkulle nakabattui kaja'dallanga lalang ri batangkalenta; akkullei a'la'bang anjo kaja'dallanga mae ri sikontu batangkalenta battu ri anjo lilaya. Akkullei ammutung sikontu katallassanta napakamma pepe' battua ri naraka, passabakkang lilata.

PANGNGEBARANG 6:14

Pikkirang botto'na rassi siagang rancana ja'dala' siagang appaumba pa'beserang ri kere-keremae.

YESAYA 5:18

Cilakako kau tulusu' dorakaya!

PANGNGEBARANG 6:12

Tau ja'dalaka siagang tau kurangajaraka a'la'bangi a'balle-balle.

PAMMUJI 57:4

Appiali battu ri suruga siagang Napasalamaka'; Nabetai sikamma tau anjallakkangia'. LaNapicinikianga' Allata'ala angkanaya tamamminrayai mae ri nakke, siagang tuli mangngamaseangi mae ri nakke.

1 SAMUEL 25:17

Lanri kammana anjo, pikkiri' baji'-bajiki anne passalaka, siagang kitappukimi apa akkullea kigaukang ibu'. Nasaba' mattantu labattuna pa'balasaka mae ri pinggawata siagang sikontu kaluargana. Terasa' dudui ulunna pinggawata sa'genna takkulleai niagang a'bicara!”

PANGNGEBARANG 2:4

Boyai anjo kammaya sanrapang a'boya bulaeng, siagang ondangi anjo kammaya sanrapang angngondang pakkalumanynyangngang taccokkoa.

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

HABAKUK 2:13

Bansa-bansa nubetaya akkaresoi natena matu-matunna resona, siagang sikontu-kontuna apa napaentenga ke'nanga cappuki nakanre pepe'. Yangasenna anjo kammaya ero'Na Batara Kaminang Koasaya.

PANGNGEBARANG 16:26

Kaparalluang untu' angnganre, iami saba' nausaha taua; lanri battanna, natarpassa anjama.

PANGNGEBARANG 16:28

Tau jekkonga akkala'na appaumbai pa'beserang; tau nangaia ampitinai paranna tau appasisa'laki bela mabaji'.

PANGNGEBARANG 16:30

Tutuko ri tau ta'muria siagang akkedo kanynyinga, nia' antu rancana ja'dala' lalang ri atinna.

PANGNGEBARANG 19:28

A'jari sa'bi balle-balle, sangkammai nibawangngang hukkunga; ambalai taua, bajiki kasia'na ri tau ja'dalaka.