PANGNGEBARANG 15:32 - KITTA' MATANGKASA'

³² Tau taeroka nipakainga', tena napakala'biriki kalenna; tau eroka nipasaile, a'jari bajiki akkala'na.

PANGNGEBARANG 15:32 Referans Kwoze

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

PANGNGEBARANG 1:7

Sollanna akkulle nigappa pangngassengang sitojennaya, uru-urua parallu niparhatikang iamintu parallui taua mappakala'biri' siagang malla' mae ri Batara. Tau toloa tena naanggaraki kacara'dekanga siagang taerokai niajara'.

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

PANGNGEBARANG 18:15

Tau bajika akkala'na, tuli turerei ri pangngassengang; tau cara'deka, tuli eroki anggappa pangngajarang.

YAKOBUS 1:22

Parallui nugaukang apa-apa Napaua Allata'ala; teako poro nullangngere'naja bawang, sa'genna sangkammami nuballe-ballei kalennu.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

PANGNGEBARANG 17:16

Tena matu-matunna tau dongoka ampaccappuki doe'na a'boya kacara'dekang, saba' tena natangkasa' pikkiranna

PANGNGEBARANG 15:21

Katoloanga iami kasannangnganna tau dongoka, tau cara'deka lambusuki tallasa'na.

PANGNGEBARANG 15:14

Tau cara'deka a'boyai pangngassengang; tau dongoka sibuki siagang kadongokanga.

PAMMUJI 50:17

Saba' taerokako antarimai pappakaingakKu, siagang nutollaki parenta-parentaKu.

PAOLE 21:20

Musti nakana ke'nanga mae ri sikamma tau-tau toana anjo kotaya, ‘Anne ana'na ikambe kapala batui, nangai angngewaya siagang taerokai mannuruki ri kambe; nangai appa'labo-laboa doe' siagang nangai angnginunga inungang terasa' sa'genna nasa'ring.’

PAOLE 21:18

“Ebara' angkana nia' ana' bura'ne kapala batu, nangai angngewaya siagang taerokai mannuruki ri tau toana manna pole nale'ba'mo nihukkung ri tau toana.

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

PANGNGEBARANG 13:18

Tau taeroka niajara', la'jari kasi-asi na tuna; tau najampangia pappakaingaka lanipakalompoi.

PANGNGEBARANG 15:5

Tau dongoka nabawang-bawangngangi pappakainga'na manggena, tau cara'deka Naparhatikangi pappasailea.

PANGNGEBARANG 15:31

Tau manjampangia pappasaile nibilangi tau cara'de'.

PANGNGEBARANG 15:33

Mallaka mae ri Batara, iami dasara'na ajarang bajika; kala'biranga nipirioloi ri matuna pa'maika.

KATO'BA 7:5

Bajikangngangi nipasailea ri tau bajika akkala'na, kala nipalecea ri tau sukkaraka ammahang.

YESAYA 3:9

Sipa' borrona ke'nanga ampa'nassai kaja'dallanna ke'nanga. A'nassa-nassai ke'nanga doraka sangkamma tu Sodom riolo. Cilakami ke'nanga! Kalenna tonji ke'nanga ampabattui cilakaya mae ri kalenna.

PANGNGEBARANG 10:17

Inai anjampangi pappasailea, lasalewangangi tallasa'na, inai battala' angngakui kasalanna, niaki lalang bahaya.

PANGNGEBARANG 19:20

Punna nungai appilajara' siagang allangngere' pappakainga', sallang la'jariko tau nia' kacara'dekannu.