PANGNGEBARANG 15:30 - KITTA' MATANGKASA'

³⁰ Tanja'na tau rannua appakarannui pa'mai', kabara' bajika appakabajiki nyawa.

PANGNGEBARANG 15:30 Referans Kwoze

YESAYA 58:11

INakke tuli lampimpingko siagang lampakabassorokko ri butta kalotoroka; iNakke lanjagaiko sollannu tuli akkamale siagang kassa'. Larapangko koko anggannaka ri je'ne', rapang timbuseng je'ne' tenaya nale'ba' a'jari kalotoro'.

PANGNGEBARANG 25:25

Annarimaya kabara' baji' battu ri pa'rasangang bella sanrapangi angnginung je'ne' dinging ri wattu turere.

PAPPICINI' 22:5

Tenamo nalaparallu ke'nanga ri lampu yareka ri singara'na mataalloa, nasaba' latenamo bangngi kammayatompa nasaba' KalenNami Karaeng Allata'ala lansingari ke'nanga. Nalammarentamo ke'nanga, a'jari karaeng sa'genna satunggu-tungguna.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

KATO'BA 11:7

Singara'na alloa appakate'ne pa'mai'; tamaka sannanna punna akkulle nikasia'.

PANGNGEBARANG 17:22

Rannu pa'maika napakkamalei tubua; pa'mai' susaya annepoki sumanga'.

PANGNGEBARANG 13:9

Tau bajika sanrapangi caya sannaka singara'na; tau ja'dalaka sanrapangi lampu matea.

PAMMUJI 89:15

Dasara'na kakaraenganTa iamintu kaadelang siagang hukkung, pangngamaseanTa siagang tamamminraTa a'nyatai lalang sikontu tindakanTa.

EZRA 9:8

Mingka kamma-kamma anne o Karaeng Allata'alana ikambe, silalonTa le'ba' lammoro' pa'mai' mae ri kambe. Nilappassangi siapa are jaina tau ri kambe battu ri nipare' ataya untu' attallasa' lalang salewangang ri anne tampa' tassa'laka. Kisarei ikambe katallassang beru.

PANGNGEBARANG 3:8

Anjo panggaukanga la'jari sanrapangi pa'balle mae ri kau, ia lampakabajiki batangkalennu siagang pa'mai' mailalannu.

PANGNGEBARANG 15:29

Napilangngeri Batara punna appala' doang tau bajika, mingka tena najampangi tau dorakaya.

PANGNGEBARANG 15:31

Tau manjampangia pappasaile nibilangi tau cara'de'.

PANGNGEBARANG 12:25

Ranggaselaya natepoki sumangaka, mingka kana-kana lammaya napakalompoi pa'maika.