PANGNGEBARANG 15:29 - KITTA' MATANGKASA'

²⁹ Napilangngeri Batara punna appala' doang tau bajika, mingka tena najampangi tau dorakaya.

PANGNGEBARANG 15:29 Referans Kwoze

YOHANES 9:31

Naniassemmo angkanaya tanipilangngeriai ri Allata'ala pappala'na tau dorakaya; iaji nipilangngeri pappala'na tau ampakala'birikai Allata'ala, siagang anggaukangai ero'Na.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

1 PETRUS 3:12

Nasaba' tuli Naparhatikangi Batara tau anturukiai ero'Na, tuli Napilangngeri pappala' doanganna ke'nanga; mingka Nabaliangi sikamma tau anggaukangai kaja'dallanga.”

PAMMUJI 138:6

Tamaka la'biritTa, mingka tau tunaya Kiparhatikang tongi; tau borroa takkulleai accokko battu ri Katte.

MATIUS 25:46

Jari lanihukkung ngaseng minjo taua sa'genna satunggu-tungguna. Mingka tau anggaukangai ero'Na Allata'ala, lanakasia'mi katallassang sitojennaya siagang mannannunganga.”

PAMMUJI 73:27

Lacilakai tau ambokoiaKi' Kiballassi tau tenaya majarre' mae ri Katte.

PAMMUJI 18:41

Kipalari musungku battu ri nakke; Kipa'jari possoki sikamma tau mangngabirissia ri nakke.

PAMMUJI 10:1

Angngapa Kibella, o, Batara na Kiaccokko ri wattu kasukkarrang ikambe?

AYUB 35:13

Sia-siaji ke'nanga akkiok-kio' tojeng; Tanicinikai siagang tanipilangngeriai ke'nanga ri Kaminang Koasaya.

PANGNGEBARANG 1:28

Anjo wattua lakkio' ngasengko mae ri nakke, mingka talappialia'. Lanuboya' ri kere-keremae, mingka talanubuntula'.

PANGNGEBARANG 15:30

Tanja'na tau rannua appakarannui pa'mai', kabara' bajika appakabajiki nyawa.

YESAYA 59:2

Lanri kaja'dallannu natena Napilangngeriko ri wattunnu appala' doang mae ri Ia. Dosa-dosanu ampasisa'lakko siagang Allata'ala.