PANGNGEBARANG 15:24 - KITTA' MATANGKASA'

²⁴ Tau cara'deka amminawangi ri oloang angngambika mange ri katallassanga; teai oloang naunga mae ri kamateanga.

PANGNGEBARANG 15:24 Referans Kwoze

PAMMUJI 16:11

Kipicinikianga' oloang mangea ri katallassanga; battu ri Kattema' anggappa karannuang alla'bi-la'bi siagang mate'ne sa'genna satunggu-tungguna.

FILIPI 3:20

Mingka ikatte anne umma'naki' suruga. Battu anjoreng tommi labattu Karaeng Mappasalamatta, iamintu Batara Isa Almasi. Iami nikanakkukanga, siagang salloamo nitayang.

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

MATIUS 7:14

Mingka seppaki siagang sukkaraki pakke'bu' angngoloa mange ri katallassanga, nasike'de'ji tau angngolo anjoreng.”

YEREMIA 21:8

Nampa Nasuroa' Batara akkana kamma anne ri umma'Na, “Pilangngeri! INakke, Batara, assareko kasampatang ampilei kalase'renna: oloang mangea ri katallassanga, yareka oloang mangea ri kamateanga.

PANGNGEBARANG 23:14

ba'lalo lasalamaki.

PANGNGEBARANG 7:27

Punna a'lampa taua mae ri balla'na, sangkammami angkana angngallea oloang pammolongang mange ri kamateanga.

PANGNGEBARANG 6:23

Anjo pitunju'-pitunju'na tau toanu sanrapangi lampu singaraka; pappasailena ke'nanga napicinikiangko antekamma nikanaya tallasa' baji'.

PANGNGEBARANG 5:5

Nare'resangko naung ri linona tau matea; oloang naoloa iamintu oloang lamange ri kamateanga.

PANGNGEBARANG 2:18

Punna mangeko ri balla'na battuanna mange mako ri kamateanga. A'lampaya mange anjoreng sangkamma le'baki nikanaya a'lampa mange ri linona tau matea.

PANGNGEBARANG 9:8

Teako callai tau taeroka niajara', saba' lanakabirisiko. Mingka punna tau cara'de' nupicinikiang kasalanna, lanapakala'birikko.

PAMMUJI 139:24

Kicinikimi gassingka nia' kaja'dallang lalang ri kalengku, siagang kirenrenga' mae ri oloang mannannunganga.

PAOLE 32:22

A'rinrai larroKu rapang pepe' ampakamutungi sikamma apa niaka mattompo' butta; a'le'lereki pepeka sa'genna sirinna langika, antunui monconga sa'genna aka'-aka'na.

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.