PANGNGEBARANG 15:19 - KITTA' MATANGKASA'

¹⁹ Tau malasaka tuli lanakasiaki kasukkaranga; tau lambusuka tammuntulai kasukkarang.

PANGNGEBARANG 15:19 Referans Kwoze

YESAYA 35:8

Anjoreng lania' agang lompo, “Oloang mangea ri kasalamakkang” arenna. Tau dorakaya talammaloai anjoreng, tau toloa talanapa'linguai tau angngoloa anjoreng.

YESAYA 30:21

Punna ammengkako battu ri oloanga, lanulangngereki battu ri boko sa'ranNa angkana, “Anne oloanga; anne nupinawang.”

PANGNGEBARANG 22:5

Sikkoka siagang tadoka niaki ri oloanna tau jekkonga, liliang ngasengi anjo sikammaya, punna erokko salama'.

PANGNGEBARANG 26:13

Lapung tau malasaka nangai ammantang ri balla'; nakana, “Nia' singa pantarang, gassingka nakokkoka' ri tangngana aganga.”

PANGNGEBARANG 22:13

Lapung tau malasaka nangai ammantang ri balla'; nakana, “Nia' singa pantara', nakanrea' sallang ri tangngana aganga.”

PANGNGEBARANG 8:9

Untu' tau cara'deka, annabai kanangku, untu' mangngassenga, coco' sikali kanangku.

PAMMUJI 27:11

Kipicinikianga' apa Kikaerokia, o, Batara, rurunganga' mange ri oloang lambusuka, saba' tamaka jaina musungku.

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

PAMMUJI 25:12

Kipangngajarrangi mae ri tumappilangngeria oloang musti naoloa ke'nanga.

PAMMUJI 5:8

Mingka lanri lompona pangngamaseanTa, kukkulle antama ri Balla' SambayanTa. Kusu'ju mange ri Balla' Sambayang matangkasatTa, nakusombaKi' ri pa'mai' mailalang.

YESAYA 57:14

Nia' tau angkana, “Pareki siagang pasadiai oloanna ummakKu, pakabellai sikontu anrompaia.”

PANGNGEBARANG 15:18

Tau lintaka larro appaumbai pa'beserang, tau sa'baraka angngerangi passiamakkang.

PANGNGEBARANG 15:20

Ana' cara'deka, napakasannangi pa'mai'na manggena; ana' toloa tanapakala'birai amma'na.

PANGNGEBARANG 6:6

Tau malasaka parallui naparhatikang antekamma batena attallasa' kaluaraya siagang appilajara' battu ri ia.

PANGNGEBARANG 11:5

Oloanna tau bajika nilapparri ri kalambusang, mingka tau ja'dalaka naerangi kalenna mae ri kapanrakanga.