PANGNGEBARANG 15:18 - KITTA' MATANGKASA'

¹⁸ Tau lintaka larro appaumbai pa'beserang, tau sa'baraka angngerangi passiamakkang.

PANGNGEBARANG 15:18 Referans Kwoze

PANGNGEBARANG 26:21

Sanrapang cumika siagang kayua tuli amparinrai pepeka; kammaminjo tau pabesereka sanrapangi tau attunu.

PANGNGEBARANG 15:1

Pappiali lammaya, ampa'jari naungi larroa; pappiali passea appaumbai larro.

MATIUS 5:9

Mate'nei tau mappasiamaka paranna tau; nasaba' iami laniakui ri Allata'ala a'jari ana'-ana'Na!

PANGNGEBARANG 29:22

Tau lintaka larro napa'jari taua jai a'besere' siagang doraka.

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

KATO'BA 10:4

Punna nikalarroiko ri tukoasaya, teako palaki ammari anjama. Manna lompo kasalannu, nipammopporangko punna sannangko siagang sa'barakko.

PANGNGEBARANG 16:28

Tau jekkonga akkala'na appaumbai pa'beserang; tau nangaia ampitinai paranna tau appasisa'laki bela mabaji'.

PANGNGEBARANG 10:12

Kabirissanga appaumbai pa'beserang; mangngamaseanga napammopporangi sikontu kasalanga.

PANGNGEBARANG 28:25

Punna kaparalluang kaleaji nicinikiang lappaumbai pa'beserang; la'bi upakkangngangko punna tappakko ri Batara.

PANGNGEBARANG 25:15

Kasa'barrang nirurungangang ri kana-kana lamma akkullei napa'jari tappa' tukoasaya, siagang naancuru' sikontu angngewaya.

2 SAMUEL 19:43

Appialimi tu Israel angkana, “Ha'na ikambe mae ri karaenga a'lappi sampuloi lompona naha'nu ngaseng, manna pole nanusibija anjo karaenga. Angngapa nanucini' rawa kamma anne ikambe? Teako kaluppai angkanaya ikambemi uru-uru angngussuluki sollanna ia a'jari karaeng ammotere'!” Mingka la'bi terassangngangi nyawana tu Yehuda na tu Israel siagang taerokai nibeta ke'nanga.

PANGNGEBARANG 15:19

Tau malasaka tuli lanakasiaki kasukkaranga; tau lambusuka tammuntulai kasukkarang.

PANGNGEBARANG 16:14

Pangngalarroinna karaenga sanrapangi kabara' hukkungang mate; tau cara'deka usahai untu' ampanaungi larrona!

PANGNGEBARANG 22:24

Teako sileporangi siagang tau nangaia larro siagang tau lintaka bambang cera'na.