PANGNGEBARANG 14:29 - KITTA' MATANGKASA'

²⁹ Tau cara'deka talintakai larro; tau dongoka takkulleai nalewai kalenna.

PANGNGEBARANG 14:29 Referans Kwoze

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.

KATO'BA 7:9

Teako linta' dudu larro; tau toloaji bawang ammoli' larro.

PANGNGEBARANG 14:17

Tau nangaia larro dongoki panggaukanna; tau cara'deka sa'baraki sipa'na.

PANGNGEBARANG 15:18

Tau lintaka larro appaumbai pa'beserang, tau sa'baraka angngerangi passiamakkang.

PANGNGEBARANG 19:11

Tau cara'deka akkullei natahang larrona. Nipuji lanri tanajampangiai kasalanna taua mae ri kalenna.

PANGNGEBARANG 16:32

Bajikangngangi tenaya nilinta' larro, kala anna'gala' koasa; bajikangngangi nilewaia kalea, kala ammeta se're kota.

PANGNGEBARANG 25:28

Tau tenaya nakkulle nalewai kalenna sanrapangi kota runrunga tembo' pattahanganna.

PAMMILANGNGANG 12:3

Anjo Musa tau sanna' tuna pa'mai'na, tena sangkammanna ri sikontu tau attallasaka ri anne linoa.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

KATO'BA 10:6

Tau dongoka nisarei empoang mala'biri', na pamimpinga tanggappaya apa-apa.

PANGNGEBARANG 25:8

Teako akkaro-karo dudu angngerangi parkaranu mange ri pangadelang; saba', punna kale'bakkanna a'nyatai angkana ikau sala, apapi pole akkulle nugaukang?

PANGNGEBARANG 4:8

Pakalompoi kacara'dekanga, nanupakatinggi. Raka' majarreki, nalanapabattuangko kala'birang.

MATIUS 2:16

Naassenna Herodes angkanaya nitipui ri anjo tucara'deka accini' bintoeng niaka battu raya, tamakami larrona. Appasulu'mi parenta, assuro buno ngasengi sikontu ana'-ana' bura'ne niaka lalang ri Betlehem siagang ri ampi'-ampi'na, ia umuru' ruan taunga siagang irawangannaya. Anjo umuruka appakkaramulai nirekeng ri wattu pammumbana anjo bintoenga, situru' le'baka napau anjo tucara'deka accini' bintoeng.

PANGNGEBARANG 14:28

Kakalumanynyanganna karaenga iamintu ri pajaina ra'ya'na; punna tena ra'ya'na takkulleai koasa.

PANGNGEBARANG 17:27

Tau taranga pikkiranna, tajaiyai bicaranna. Tau cara'deka, tuli sannangi.

KATO'BA 7:8

Bajikangngangi kale'bakkanna kara-karaya naia uru-uruna; bajikangngangi sa'baraka kala tinggi pa'maika.