PANGNGEBARANG 13:5 - KITTA' MATANGKASA'

⁵ Tau lambusuka nakabirisi nikanaya balle-balle, gau'-gau'na tau ja'dalaka appakasiriki na nicalla.

PANGNGEBARANG 13:5 Referans Kwoze

KOLOSE 3:9

Teako assiballe-ballei, nasaba' le'ba'mi nubokoi sipa'-sipa' katallassang sallonu.

EFESUS 4:25

Lanri kammana, parallu ngasengko massing a'gau' lambusu'. Tea' mako a'balle-ballei pole, nasaba' ikatte a'jari ngaseng maki' anggota TubuNa Almasi.

PANGNGEBARANG 3:35

Tau cara'deka pila' mabauki arenna, mingka tau toloa pila' nicallai.

PAMMUJI 119:163

Sikontu balle-ballea kukabirisi, mingka hukkunTa kungai.

YEHEZKIEL 36:31

Lanuu'rangi panggaukang ja'dala'nu siagang anjo tindakannu tenaya nasiratang, nampa a'jari lanre mako mae ri batangkalennu lanri dosa-dosanu siagang anjo kapallakkannu.

YEHEZKIEL 20:43

Anjoreng lanuu'rangi sikontu panggaukang appakaringika, anra'massiai kalennu. La'ringi'-ringikko angngu'rangi anjo sikontu kaja'dallannu.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

DANIEL 12:2

Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.

YEHEZKIEL 6:9

anjorengi ke'nanga lattallasa' ri pa'rasangang pammelakkanga. Nampa lamangngu'rangi ke'nanga mae ri Nakke, kammayatompa lanapahangi angkanaya iNakke anghukkungi siagang ampakatunai ke'nanga, lanri tenana namajarre' pa'mai'na ke'nanga mae ri Nakke. Le'ba'Ma' nabokoi ke'nanga nampa napilei barhalaya salaku sambengKu. Nampa lalanre kalenna ke'nanga mae ri kalenna lanri anjo sikontu kaja'dallang siagang kakodiang le'baka nagaukang ke'nanga.

PANGNGEBARANG 30:8

Tena lalo kupaui kana-kana jekkonga siagang a'balle-ballea, siagang teaKi' lappassangia' a'jari kasi-asi yareka akkalumanynyang. Kisarea' apa kuparalluanga bawang.

PANGNGEBARANG 13:4

Tau malasaka jai nakaeroki mingka manna se're tanarapi' tau anjama terasaka lanagappai sikontu apa nakaerokia.

KATO'BA 3:8

Allata'ala ampattantui wattu untu' mangngamaseang siagang wattu untu' mangngabirisi, wattu untu' a'bundu' siagang wattu untu' assiama'.

HAKING-HAKING 16:11

Appialimi Simson angkana, “Punna nisikkoka' siagang otere' beru tenayapa nale'ba' nipake la'jari lammama' sangkamma tau biasaya”

PANGNGEBARANG 18:3

Dosaya siagang tunaya sipa'jappangi; punna nicallamo, mattantu nipakatuna tommi.