PANGNGEBARANG 13:21 - KITTA' MATANGKASA'

²¹ Tau dorakaya tuli niondangi ri kacilakang, tau bajika tuli annarimai kate'neang.

PANGNGEBARANG 13:21 Referans Kwoze

PAMMUJI 32:10

Tu dorakaya nitujui ri jai sessa; mingka tu manrannuanga ri Batara tuli nila'langi lalang pangngamaseanNa.

PANGNGEBARANG 13:13

Tau ambawang-bawangngangai ajaranNa Batara, lanacilakai kalenna; tau mannurukia ri hukkunNa Allata'ala, lanagappai pahalana.

PAMMUJI 140:11

Boli'mi kamma nipibosi ke'nanga ri bara pepe', nampa nipela' antama' ri kali'bong kamateanga, sa'genna takkullea assulu' poleang.

PAMMILANGNGANG 32:23

Mingka u'rangi, punna tena nurupai janjinnu, dorakako mae ri Batara siagang lanihukkungko lanri anjo dosanu.

PA'JARIANG 4:7

Punna baji' apa nugaukanga, mattantu ta'muriko. Mingka punna kodi apa nugaukanga, attayammi dosaya untu' antama' ri atinnu. Eroki dosaya angkoasai kalennu, mingka musti nubetai.”

LAMPA-LAMPANA 28:4

Nacini'na tuma'buttaya anjoreng ri anjo puloa ta'gentung anjo ularaka ri limanna Paulus, massing nakanamo ke'nanga, “Ma'nassa pabuno tau anne taua. Nasaba' manna pole ta'lappasa'mi battu ri bahaya ri tamparanga, mingka tena nikellai attallasa' ri Dewi Kaadelanga.”

PAMMUJI 54:5

Saba' bansa maraenga ambangummi ero' ambundukia', eroki tau tampoa ambunoa', tena najampangi ke'nanga Allata'ala.

PANGNGEBARANG 11:31

Punna lannarima todong pa'balasa' tau bajika ri anne linoa, mattantumi langgappana hukkungang tau ja'dalaka siagang tau dorakaya.

PANGNGEBARANG 17:13

Inai ambalasaki kabajikanga siagang kaja'dallang, takkulle tongangngai nipasulu' kaja'dallanga battu lalang ri balla'na.

YESAYA 47:11

Mingka lanatujuko bala, takkulleai baca-bacanu ampalili. Lanibattuiko ri bahaya, takkulleako ampasalai. Ti'ring labattui kapanrakanga, tanusanna-sannayai la'bi riolo.

PANGNGEBARANG 24:16

Saba', manna pole a'mole-mole tu'guru' tau lambusuka, tuli lambangung poleangi nai'. Mingka kabalekanna, tau ja'dalaka laancuruki nituju ri bala lompo.

YEHEZKIEL 7:5

Iaminne Napaua Batara Kaminang Tinggia mae ri bansa Israel, “A'le'basaki balaya tuli labattu antujuko.