PANGNGEBARANG 12:26 - KITTA' MATANGKASA'

²⁶ Tau bajika upakkangngangi na sambori'na; tau ja'dalaka sala oloangi lanri kaja'dallanna.

PANGNGEBARANG 12:26 Referans Kwoze

1 YOHANES 2:26

Kutulisiki mae ri kau ngaseng ri passala'na sikamma tau eroka kamma-kamma anne antipuko.

PANGNGEBARANG 17:27

Tau taranga pikkiranna, tajaiyai bicaranna. Tau cara'deka, tuli sannangi.

PANGNGEBARANG 12:13

Tau ja'dalaka niallei ri sikko' kana-kana kodi napasuluka; tau bajika nipalili battu ri kasukkarranga.

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.

PAPPICINI' 13:14

Na natipu ngasemmo sikontu rupataua ri lino lanri anjo gau'-gau' appakalannasa' akkullea nagaukang ri dallekanna anjo olo'-olo' bungasa' battua sumpaeng. Siagang nasuro ngasemmi ke'nanga appaenteng se're patung untu' anjo olo'-olo' le'baka bokka' nataba pa'dang, mingka attallasa' iji.

PAMMUJI 16:3

Kupakalompoi sikamma tu matangkasaka ri anne pa'rasanganga; pangngaingku iamintu ammantanga siagang ke'nanga.

PANGNGEBARANG 12:25

Ranggaselaya natepoki sumangaka, mingka kana-kana lammaya napakalompoi pa'maika.

PANGNGEBARANG 12:27

Punna a'malasa'-malasa' talanagappayai taua apa nakaerokia; lanri anjama terasa' nanggappa taua kakalumanynyangngang.

PANGNGEBARANG 16:29

Tau sekkeka natipui bela-belana, na naerang ke'nanga antama ri bahayaya.

PANGNGEBARANG 14:22

Inai-nai anggaukangi apa bajika, lanipatappaki na nipakala'biri'; inai-nai anrancanakangi kaja'dallanga niaki ri oloang salaya.