PANGNGEBARANG 12:15 - KITTA' MATANGKASA'

¹⁵ Tau dongoka nakanai kalenna tale'baka sala, mingka tau cara'deka nangai appilangngeri pappakainga'.

PANGNGEBARANG 12:15 Referans Kwoze

PANGNGEBARANG 3:7

Teako nanukana kalennu la'bi cara'dekangangko na sitojennaya; turuki Batara siagang pakabellai kalennu battu ri ja'dalaka.

PANGNGEBARANG 19:20

Punna nungai appilajara' siagang allangngere' pappakainga', sallang la'jariko tau nia' kacara'dekannu.

PANGNGEBARANG 14:16

Tau bajika akkala'na tutui na bella battu ri kaja'dallanga, tau dongoka lintaki nai' larrona, nampa amang nasa'ring.

PANGNGEBARANG 14:12

Nia' oloang lambusuki cinikanna, mingka kale'bakkanna anjo oloanga mangei ri kamateanga.

PANGNGEBARANG 1:5

Lanri anne sikamma pappakaingaka namanna tau cara'deka lanatambai tongi pangngassenganna, kammayatompa tau niaka sikolana lanipimping tongi.

PANGNGEBARANG 26:12

Tau tolo dudua bajikangngang iji na tau nakanaya kalenna cara'de'.

PANGNGEBARANG 16:25

Nia' oloang lambusuki cinikanna, mingka kala'busanna anjo oloanga mangei ri kamateanga.

PANGNGEBARANG 16:2

Tunggala' panggaukanna taua nakulle kapang bajiki ri paccini' kalenna, mingka Batara angnganggaraki ero' pa'mai'na.

GALATIA 6:3

Punna nia' tau nakana kalenna cara'de', mingka sikontutojenna tena apa-apa naasseng, anjo taua naballe-ballei kalenna.

PANGNGEBARANG 9:9

Punna tau cara'de' nupakainga, pila' la'jari katambangi cara'de'na. Siagang punna tau mannuruki ri Allata'ala nuajara', pila' lakatambangi pangngassenganna.

PANGNGEBARANG 21:2

Tunggala' panggaukanna taua nakanai baji' ri paccini' kalenna, mingka Batara angngassengi nakaerokia pa'mai'na.

LUKAS 18:11

Anjo tu Farisia akkale-kalemi ammenteng nampa appala' doang lalang ri atinna nakana, ‘O, Allata'ala, appala' sukkurukka' mae ri Katte, lanri tena kusangkamma tau maraenga; tena kusangkamma tau angngoaya, tau jekkonga, yareka tau a'gau' bawanga. Appala' sukkurukka', lanri tena kusangkamma anjo pasingara' simaya.

PANGNGEBARANG 30:12

Nia' tau nakanai kalenna tangkasa' na sitojenna sanna' rantasa'na.

PANGNGEBARANG 28:11

Tau kalumanynyanga tuli nakana kalenna cara'de', mingka tu kasi-asia, bajika akkala'na, naassengi angkana inai kalenna.

KATO'BA 4:13

Tu kasi-asia akkullei a'jari karaeng, siagang se'rea tu nitahang akkullei a'lette' nai' ri empoang kakaraenganga. Mingka punna nia' karaeng toamo umuru'na sanna' tolona annarima pappakainga', la'bi kodiangngammi sarenna na turungka kasi-asia mingka cara'deki.

PANGNGEBARANG 26:16

Lapung tau malasaka nakanai kalenna la'bi cara'de' na tujua tau annabaya pappialinna.

PANGNGEBARANG 13:1

Ana' cara'deka naparhatikangi punna nipakainga' ri manggena; tau borroa taerokai annarima pappasaile.

PANGNGEBARANG 13:10

Katampoanna poro pa'beserang bawang napaumba; tau cara'deka eroki annarima pangngajarang.