PANGNGEBARANG 11:30 - KITTA' MATANGKASA'

³⁰ Tau bajika lanikatutui tallasa'na; tau cara'deka lakatambangi tau amminawanga ri ia.

PANGNGEBARANG 11:30 Referans Kwoze

DANIEL 12:3

Sikamma pamimping cara'deka laccayai sangkamma cayana langika. Siagang sikamma tau le'baka angngajara' tau jai untu' anggaukangi apa bajika siagang adeleka, laccayai sangkamma bintoenga untu' satunggu-tungguna.”

YAKOBUS 5:20

u'rangimi anne nakanaya Kittaka: Inai-nai ampoterangi tau dorakaya mange ri oloang tojenga, iami ampasalamaki nyawana anjo tau dorakaya battu ri kamateanga siagang a'jari saba' najai dosa nipammopporang. Sallangku, Yakobus

MATIUS 4:19

Nakanamo Isa ri ke'nanga, “Maeko amminawang ri Nakke. LaKuajarakko a'jari sanrapang pajala tau.”

PANGNGEBARANG 15:4

Kana-kana bajika annambai sumanga', kana-kana appakapa'risika nyawa, allammai pattujuang.

PANGNGEBARANG 3:18

Tau manna'gala' jarreka ri kacara'dekanga lanakasiaki katallassang sitojennaya siagang mate'nea.

1 TESALONIKA 2:19

Tojeng-tojengi angkanaya ikau ngasemmi panrannuanna siagang karannuanna ikambe. Nasaba' punna battu sallang Batara Isa, nakiandallekang ri Ia, ikau ngasemmi nakalompoang nyawana ikambe!

YOHANES 4:36

Appakkaramulami natarima gajina tau akkattoa siagang appasse're wassele' untu' katallassang satunggu-tunggua. Jari tau appakioroka siagang tau akkattoa akkullei sipa'rannu-rannuang.

PAPPICINI' 2:7

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”

PAMMUJI 92:14

Sanrapangi ke'nanga poko' nilamunga ri Balla'Na Batara, a'bakkaka ri Balla'Na Allata'alata,

PANGNGEBARANG 12:12

Tau ja'dalaka eroki anggappa passawallang battu ri tau dorakaya; tau bajika sanrapangi poko' kayu a'rappoa.

PANGNGEBARANG 14:25

Punna nia' sa'bi a'bicara tojeng, napasalamaki nyawaya; punna a'bicara balle-ballei, ta'gilingi ambaliangi aganna.