PANGNGEBARANG 11:24 - KITTA' MATANGKASA'

²⁴ Nia' tau nangai assare, mingka pila' kalumanynyangi, nia' tau gi'giliki, mingka pila' kasi-asi puppusuki.

PANGNGEBARANG 11:24 Referans Kwoze

PANGNGEBARANG 19:17

Annulung tau kasi-asi sanrapangi assare angnginrang ri Batara; Batara sallang lambalasaki.

LUKAS 6:38

Assareko ri parannu tau, sollanna Nasare tongko Allata'ala; lanisareko sanna' jaina la'bina, ri pa'baku' le'baka nibaku' sannaka rassina. Nasaba' pa'baku' apa nupake ambakuki parannu tau, ia todong minjo pa'bakuka laNapake Allata'ala ambakukko.”

PAOLE 15:10

Pakasannangi pa'mai'nu na nurella assarei anjo taua, na Nabarakkaki Karaeng Allata'alanu sikontu usahanu.

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

KATO'BA 11:6

Appakiorokko bine ri wattu bari'basa' siagang teako ammari ri wattu bangngina. Saba' taniassengai angkana bine kereanga baji' timbona. Nakulle todong baji' rua-ruai timbona.

HAGAI 1:6

Appakioro' mako jai bine, mingka sike'de'ji alle polenu. Nia' kanrenu, mingka tanggannakkai untu' ambassori battannu. Nia' anggoro'nu, mingka tanggannakkai untu' ampassukkuki pakkasia'nu. Nia' care-carenu, mingka tanggannakkai untu' angkammuki kalennu. Siagang gaji nagappaya kuli'-kulika tanggannakkai untu' ansambungi tallasa'na ke'nanga.

PANGNGEBARANG 11:18

Kaupakkanna tau ja'dalaka iamintu kaupakkang takontutojeng, kaupakkanna tau a'gau' bajika iami kaupakkang sitojennaya.

PANGNGEBARANG 28:8

Inai a'jari kalumanynyang lanri appamanaki doe' siagang angngalle passawallang ta'liwa'-liwa', latu'guruki anjo barang-baranna mae ri tau mangngamaseanga ri tu kasi-asia.

PANGNGEBARANG 11:23

Kaerokanna tau bajika langngerangi kabajikang, mingka akkullea narannuang tau ja'dalaka iamintu pangngalarroi bawang.

PANGNGEBARANG 11:25

Tau jaia passarena, lakala'biangi, tau nangai annulung lanitulung tongi.

PANGNGEBARANG 13:7

Nia' tau a'gau' kalumanynyang, natena apa-apanna; nia' tau a'gau' kasi-asi, nakalumanynyang kalupepeang.

PANGNGEBARANG 28:27

Inai assare ri tu kasi-asia tena nalakakurangang. Inai tanjampangiai kaparalluanna tu kasi-asia lanatabai pattunra.

2 PATTOTTORANG 31:10

nakanamo Imang Lompoa iamintu Azarya jari-jarina Zadok, “Baku'na naerang ra'yaka anjo passarena ngaseng mange ri Balla'Na Batara, tenamo nakakurangang ikambe ri kanre-kanreang; ba'lalo kala'biammi ikambe, sa'genna tuli jaina parsadiaang kanre-kanreanna ikambe. Yangasenna anjo akkullei natarima ikambe lanri Nabarakkakinna Batara Umma'Na.”

MALEAKHI 3:8

Kamma-kamma anne akkuta'nanga' mae ri kau: Maka akkullei rupataua antipui Allata'ala? Tantu tena nakkulle. Mingka kamma tonji annipunu. Akkuta'nangko angkana, ‘Antekamma batena annipu ikambe?’ PialingKu: Lalang a'bayara'nu bage sampulo battu ri panggappannu siagang lalang assarenu passare.