PANGNGEBARANG 11:23 - KITTA' MATANGKASA'

²³ Kaerokanna tau bajika langngerangi kabajikang, mingka akkullea narannuang tau ja'dalaka iamintu pangngalarroi bawang.

PANGNGEBARANG 11:23 Referans Kwoze

MATIUS 5:6

Mate'nei tau attojeng-tojenga ero' anggaukangi ero'Na Allata'ala; nasaba' iami lanipasukku' tallasa'na ri Allata'ala!

PAMMUJI 37:4

Boyai mate'nea ri Batara, Iami lampassukkukko ri nakaerokia pa'mai'nu.

YEREMIA 17:16

Mingka, o Batara, tale'bakaKi' kupassa untu' ampabattui balaya mae ri ke'nanga. Tena todong kuero' sollanna nituju ri kasusaang. Kiassengi anjo, Batara. Kiassengi apa kupaua.

YESAYA 26:9

Punna bangngi, nakkuki nyawaku mae ri Katte, punna bari'basa' mattayangi atingku. Punna sallang Kiadeli buttaya, lanaassemmi pandudu'na linoa apa annabaya.

PANGNGEBARANG 10:28

Panrannuanna tau bajika ampa'jari mate'nei; panrannuanna tau ja'dalaka tena sikali bonena.

PAMMUJI 10:17

Batara, Kipilangngeri pappala' doanna tau tunaya na Kipakajarre' pa'mai'na ke'nanga.

IBRANI 10:27

Se're mami sadia untu' ikatte, iamintu andallekanga mae ri pangadelanNa Allata'ala siagang pepe' pangngalarroiNa, lantunuai sa'genna la'busu' tau mangngewaya ri Allata'ala!

PANGNGEBARANG 11:7

Punna mate tau ja'dalaka, mate tommi panrannuanna; manrannuanga ri kale, tena matu-matunna.

PAMMUJI 119:10

Lalang sibatu pa'maikku kuusahai angngassengKi', teaKi' lappassangngia' andakkai parentaTa.

PAMMUJI 119:5

Poro inakke siagang pa'mai' majarre' anturuki paratorang-paratoranTa.

PAMMUJI 27:4

Se'reji bawang kupala' ri Batara, iajinne bawang kukaerokia: ammantanga lalang ri Balla'Na Batara lalang sikontu umurukku, untu' angkasiaki kabajikanNa Batara siagang appala' panrurunNa.

PANGNGEBARANG 11:24

Nia' tau nangai assare, mingka pila' kalumanynyangi, nia' tau gi'giliki, mingka pila' kasi-asi puppusuki.

PANGNGEBARANG 12:5

Tau lambusuka nanawa-nawai apa-apa bajika; tau ja'dalaka annipua narancana.

PANGNGEBARANG 13:2

Kana-kananna tau bajika appabattui passawallang; tau tenaya nalambusu' nangai katerassanga.