PANGNGEBARANG 10:29 - KITTA' MATANGKASA'

²⁹ Batara anjagai tau lambusuka, mingka Napanraki tau a'gau' ja'dalaka.

PANGNGEBARANG 10:29 Referans Kwoze

PANGNGEBARANG 21:15

Punna nipajappa kaadelanga, baji'mi pakkasia'na tau bajika, mingka tau ja'dalaka tena naamang nasa'ring.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.

ZAKHARIA 10:12

LaKupa'jari kassaki ummakKu, lamannuruki siagang lanynyombai ke'nanga ri Nakke. INakke, Batara, anne akkana.”

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

PAMMUJI 92:7

Tau dongoka takkulleai napahang, tau toloa takkulleai napahang.

PAMMUJI 84:7

Lalang a'jappana ke'nanga numalo ri Ka'bung Baka, napinrai anjo tampaka a'jari timbuseng je'ne', uru bosia angngerang barakka' alla'bi-la'bi.

PAMMUJI 37:20

Mingka tu ja'dalaka lapossoki, musunNa Batara lalanynyaki sanrapang bunga ri paranga, lalanynyaki ke'nanga lalang umbua.

PAMMUJI 36:12

TeaKi' balang parekangia' nibakkai ri tu borroa, yareka nibongka ri tu ja'dalaka.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

AYUB 31:3

Cilaka siagang susa ma'nassa Napabattu mae ri tau a'gau' ja'dalaka!

PANGNGEBARANG 13:6

Kalambusanga nala'langi tau lambusuka ri tallasa'na; kaja'dallanga napanraki tau dorakaya.

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

PANGNGEBARANG 11:7

Punna mate tau ja'dalaka, mate tommi panrannuanna; manrannuanga ri kale, tena matu-matunna.