PANGNGEBARANG 10:28 - KITTA' MATANGKASA'

²⁸ Panrannuanna tau bajika ampa'jari mate'nei; panrannuanna tau ja'dalaka tena sikali bonena.

PANGNGEBARANG 10:28 Referans Kwoze

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

AYUB 8:13

Kammaminjo tau tenaya Batarana. Nakaluppai Allata'ala, siagang tenamo panrannuanna.

PANGNGEBARANG 11:7

Punna mate tau ja'dalaka, mate tommi panrannuanna; manrannuanga ri kale, tena matu-matunna.

2 TESALONIKA 2:16

Poro KalenNa Batarata Isa Almasi, siagang Allata'ala Manggeta ansaleoriko siagang ampakajarre' ngasengi atinnu, sollanna akkulle nugaukang siagang nubirittakang apa bajika. Nasaba' Nakamaseangki' Allata'ala, siagang lanri lammoro' pa'mai'Na naNasareki' kabaraniang tojenga siagang panrannuang bajika.

ROMA 12:12

Musti rannui pa'mai'nu ma'minasa ri Batara; sa'barakko lalang kasusaanga, siagang teako lanrei appala' doang.

ROMA 5:2

Nasaba' tappa' maki' mae ri Isa Almasi, nisare maki' pakkulle ampahang bajiki pangngamaseanNa Allata'ala, siagang lanri iaminjo pangngamaseanga nakiattallasa' kamma-kamma anne. Lanri kammaminjo narannumo pa'maitta, nasaba' nia'mo panrannuanta angkanaya akkullei nikasia' mate'nea, laNapassareanga Allata'ala!

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

PAMMUJI 112:10

Niciniki ri tau ja'dalaka siagang a'jari larroi; nakantisiki giginna ke'nanga lanri birisi'na. Nampa posso'mo ke'nanga; tappela'mi panrannuanna ke'nanga satunggu-tungguna.

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

PAMMUJI 16:9

Lanri kammanami narannu pa'maikku siagang ma'reja-reja nyawaku, na sannang mammari-mari poso batangkalengku.

PANGNGEBARANG 11:23

Kaerokanna tau bajika langngerangi kabajikang, mingka akkullea narannuang tau ja'dalaka iamintu pangngalarroi bawang.

PAMMUJI 68:4

Mingka tau bajika rannui siagang ma'reja-rejai, akkio' rannu-rannui ke'nanga ri dallekanNa Allata'ala.

PANGNGEBARANG 29:6

Tau ja'dalaka niallei ri sikko' lanri dosana, tau lambusuka sannangi nakasia' siagang mate'nei.