PANGNGEBARANG 10:20 - KITTA' MATANGKASA'

²⁰ Kana-kananna tau bajika sanrapangi pera' ti'no'; pikkiranna tau ja'dalaka tena anggaranna.

PANGNGEBARANG 10:20 Referans Kwoze

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

PANGNGEBARANG 12:18

Bicara sambaranga akkullei nalokoki pa'maika sanrapang panno'do'na pa'danga; kana-kana cara'deka sanrapangi pa'balle appamollea.

PA'JARIANG 6:5

Naciniki Batara antekamma ja'dala'na sikamma rupataua ri lino. Tuli ja'dala'na ngaseng pikkiranna ke'nanga.

PANGNGEBARANG 23:7

Saba', lanakana, “Maeko angnganre; annombongko pole,” mingka sikontutojenna tena nakamma anjo lalang ri atinna. Te'nei ri bawana, mingka atinna maraengi.

PANGNGEBARANG 16:13

Kasa'biang annabaya napakasannangi pa'mai'na tukoasaya, nakamaseangi tau a'bicara lambusuka.

PANGNGEBARANG 15:4

Kana-kana bajika annambai sumanga', kana-kana appakapa'risika nyawa, allammai pattujuang.

PANGNGEBARANG 8:19

Apa nugappaya battu ri nakke la'biangngangi na bulaeng ti'noka; la'bi lompoangngangi anggaranna na pera' ti'noka.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

PAMMUJI 37:30

Tu bajika a'bicarai siagang annaba, tuli lambusuki kana-kananna.

PANGNGEBARANG 20:15

Kana-kana ammonea pangngassengang, tinggiangngangi anggaranna kala bulaenga na barlianga.