PANGNGEBARANG 10:18 - KITTA' MATANGKASA'

¹⁸ Tau accokkoa kabirisang iami patipu. Tau appa'la'banga pitina iami tau dongo'.

PANGNGEBARANG 10:18 Referans Kwoze

PAMMUJI 55:21

Le'ba' belaku nabunduki agang-aganna, nakaluppai janjinna.

PAMMUJI 15:3

tenaya napitinai paranna tau, tenaya na'gau' ja'dala' mae ri aganna, tenaya nabicara kodi siampi' balla'na;

2 SAMUEL 3:27

Tena nasallo battuna Abner mange ri Hebron, nikio'mi ri Yoab mae ri sa'ri, mae ri ampi'na pakke'bu' lompoa, sangkamma angkanaya nia' rahasia lanabicara. Ti'ring natobo'mi Yoab parru'na Abner sa'genna mate. Kammaminjo namatemo Abner nibuno ri Yoab untu' ambalasaki pammunoanna Abner ri andi'na Yoab iamintu Asael.

PAMMUJI 101:5

Tau a'mere'-merekia ampitinai paranna tau lakuballassi. Tau tampoa siagang tinggi langgaya tena nalakubalang parekangi.

PAMMUJI 50:20

Ikau tulusu' nupitinai sari'battannu, nupakka'-pakkanai sari'battang tangka'nu.

PAMMUJI 12:2

Kitulungi ikambe o, Batara, nasaba' tenamo tau baji', sikamma tau majarreka ri Katte lanynya' ngasemmi.

PAMMUJI 5:9

O, Batara, tamaka jaina musungku! Renrenga' untu' anggaukangi erotTa, naKipicinikianga' oloang mustia kuolo.

1 SAMUEL 18:29

Jari pila' malla'mi mae ri Daud, na nakabirisi lalang sikontu tallasa'na.

KALAPPASSANG 23:1

“Teako appasiaraki kabara' a'balle-balle, siagang teako tulungi tau ja'dalaka assare kasa'biang takontutojeng.

YEREMIA 9:4

Musti tutui taua, manna pole ri aganga tonji siagang manna sari'battang polong parruka takkulle ngaseng nipatappa'. Nasaba', sangkamma Yakub kamma tomminjo ke'nanga, massing natipui sari'battanna. Tunggala' taua a'jappai mange-mange untu' appasiara' pitina siagang balle-balle.

KAIMANGNGANG 19:16

Teako appa'la'bangngi pitina ri alla'na tu'julu bansanu, sollanna tena nu'jari passabakkang namate parannu tau. INakkemi Batara.

YEREMIA 6:28

Yangasenna ke'nanga pabali-bali siagang kapala batui, kamma terasa'na tambagaya siagang bassia. Ra'masaki panggaukanna ke'nanga siagang pitijappa-jappai mange-mange appasiara' kabara' balle-balle untu' ampanraki areng baji'na paranna tau.